இந்த நிலையில், ராஃபாவில் இருந்து எங்கே செல்வது? என நிர்கதியாய் நிற்கும் அங்குள்ள லட்சக்கணக்கான பாலஸ்தீன மக்கள் கதறுகின்றனர்.
இஸ்ரேல் ராணுவம் தாக்குதலை தீவிரப்படுத்தியுள்ள கிழக்கு ராஃபாவிலிருந்து, ஏராளமானோர் தங்கள் உடைமைகளை ஏந்திக்கொண்டு சுமை வாகனங்கள், கார்கள், கழுதை பூட்டிய வண்டிகள் என தங்களிடமுள்ள அனைத்து வகையான வாகனங்களையும் பயன்படுத்தி அங்கிருந்து இடம்பெயர்ந்து வருகின்றனர். பலர், நடந்தே வேறு இடங்களுக்குச் செல்வதையும் காண முடிகிறது என அங்குள்ள செய்தியாளர்கள் தெரிவிக்கின்றனர்.
காஸாவில் உள்ள் மக்களுக்கக நிவாரணப் பொருள்கள், உதவிகள் செல்லும் முக்கிய வழிப்பாதையாக அமைந்துள்ள கிழக்கு ராஃபாவின் ‘ராஃபா எல்லைப் பகுதியை’ இஸ்ரேல் ராணுவம் ஆக்கிரமித்துள்ளதால், காஸாவுக்கான நிவாரணப் பொருள்கள் சென்றடைவதிலும் சிக்கல் ஏற்பட்டுள்ளதாகக் கள நிலவரங்கள் தெரிவிக்கின்றன.
