வந்தே பாரத் ரயில்களில் அறிமுகமாகும் புதிய அம்சம்…! 15 நிமிடங்களுக்கு முன்பு கூட டிக்கெட் புக்கிங் செய்யலாம்… | இந்தியா

தெற்கு ரயில்வே மண்டலத்தின் கீழ் குறிப்பிட்ட சில ரயில்களுக்கு இந்த அம்சத்தை இந்திய ரயில்வே துறை அறிமுகம் செய்துள்ளது. தற்போது இந்தியா முழுவதும் முக்கியமான நகரங்களை அதிவேகத்தில், நவீன வசதிகளுடன் இணைக்கும் வகையில் 114 வந்தே பாரத் விரைவு ரயில்கள் இயங்கி வருகிறது. இப்போது வரை ஆரம்ப ரயில் நிலையத்தில் இருந்து, வந்தே பாரத் ரயில் புறப்பட்ட பிறகு நடுவில் வரக்கூடிய ரயில் நிலையங்களுக்கு டிக்கெட் புக் செய்வது அனுமதிக்கப்படவில்லை.

• முதலில் www.irctc.co.in என்ற வெப்சைட் அல்லது IRCTC ரயில் கனெக்ட் அப்ளிகேஷனை திறக்கவும்.
• ஏற்கனவே உங்களுக்கு அக்கவுண்ட் இருந்தால் லாகின் விவரங்களை பயன்படுத்தி உள்நுழையவும் அல்லது புதிய ஒரு அக்கவுண்டை உருவாக்குங்கள்.
• நீங்கள் ரயில் ஏறும் நிலையம், சேர வேண்டிய இடம், பயண தேதி மற்றும் வந்தே பாரத் ரயில் ஆப்ஷன் ஆகிய விவரங்களை தேர்வு செய்யவும்.
• இப்போது எந்தெந்த இருக்கைகள் காலியாக இருக்கின்றன என்பதை சிஸ்டம் டிஸ்பிளே செய்யும்.
• எக்ஸிக்யூடிவ் கிளாஸ் அல்லது சேர் கார் மற்றும் ரயில் ஏறப்போகும் நிலையம் ஆகியவற்றை தேர்வு செய்யுங்கள்.
• ஆன்லைனில் பேமெண்ட் செலுத்திய பின் SMS மற்றும் இமெயில் வழியாக இ-டிக்கெட்டை பெறுவீர்கள்.

• திடீரென்று அல்லது அவசரத்தில் பயணத்தை மேற்கொள்ளும் நபர்களுக்கு இது பயனுள்ளதாக இருக்கும்.
• இந்த அம்சம் மூலமாக காலியாக உள்ள இருக்கைகள் நிரப்பப்பட்டு, ரயில் இருக்கை திறன் சிறந்த முறையில் பயன்படுத்தப்படுவதை உறுதி செய்கிறது.
• இனி காத்திருப்புப் பட்டியல் அல்லது கடைசி நிமிட மாற்று போக்குவரத்தை நம்பி இருக்க வேண்டிய அவசியம் இல்லை.
• மேம்படுத்தப்பட்டுள்ள இந்த பயணியர் ரிசர்வேஷன் சிஸ்டம் என்பது இந்திய ரயில்வே ஏற்படுத்தியுள்ள டிஜிட்டல் மாற்றம் மற்றும் ஸ்மார்டான பயண தீர்வுகளை வெளிப்படுத்துகிறது.