“நீதிபதிகள் நியமனங்களில் ஒரு பெண் கூட நியமிக்கப்படாதது பெரும் ஏமாற்றத்தை ஏற்படுத்தியிருக்கிறது.’ – வழக்கறிஞர்கள் சங்கம்

இது தொடர்பாக ஆகஸ்ட் 30, 2025 அன்று, இந்திய உச்சநீதிமன்ற வழக்கறிஞர்கள் சங்கம் வெளியிட்ட தீர்மான அறிக்கையில்,
“உத்தரகண்ட், திரிபுரா, மேகாலயா மற்றும் மணிப்பூர் போன்ற உயர்நீதிமன்றங்களில் தற்போது பெண் நீதிபதிகள் எவரும் இல்லை.

நாடு முழுவதும் உயர்நீதிமன்ற நீதிபதிகளுக்கான கிட்டத்தட்ட 1,100 பதவிகளில், சுமார் 670 பதவிகளில் ஆண் நீதிபதிகளும், 103 பதவிகளில் மட்டுமே பெண் நீதிபதிகளும் உள்ளனர்.

சமீபத்தில் நடந்த நீதிபதிகள் நியமனங்களில் ஒரு பெண்ணும் நியமிக்கப்படாதது பெரும் ஏமாற்றத்தை ஏற்படுத்தியுள்ளது.

2021 முதல் உச்சநீதிமன்றத்திற்கு எந்த பெண் நீதிபதியும் நியமிக்கப்படவில்லை. தற்போது, உச்சநீதிமன்ற அமர்வில் நீதிபதி பி.வி. நாகரத்னா மட்டுமே ஒரே பெண் நீதிபதி.

இதற்கு முன்பு, மே 24, 2025 மற்றும் ஜூலை 18, 2025 ஆகிய தேதிகளில், SCBA-வின் தலைவர் மற்றும் மூத்த வழக்கறிஞர் விகாஸ் சிங், நீதித்துறை நியமனங்களில் பெண்களுக்கு குறைந்தபட்ச விகிதாசார பிரதிநிதித்துவமாவது வழங்க வேண்டும் என இந்திய தலைமை நீதிபதிக்கு கடிதம் எழுதியுள்ளார்.