விராட் கோலிக்கு பாராட்டு
இந்திய அணிக்காக 100 டெஸ்ட் போட்டிகளில் விளையாடியுள்ளதை பாராட்டும் விதமாக விராட் கோலியை தில்லி கிரிக்கெட் சங்கம் கௌரவித்துள்ளது.
விராட் கோலி கடந்த 2022 ஆம் ஆண்டு இந்திய அணிக்காக 100-வது டெஸ்ட் போட்டியில் விளையாடினார். அதன் பின், அவர் 23 டெஸ்ட் போட்டிகளில் விளையாடியுள்ளார். இந்த நிலையில், தற்போது விராட் கோலியை தில்லி கிரிக்கெட் சங்கம் கௌரவித்துள்ளது முக்கியத்துவம் பெறுகிறது.
இது தொடர்பாக தில்லி கிரிக்கெட் சங்கம் சார்பில் தெரிவித்திருப்பதாவது: விராட் கோலியை கௌரவிக்கும் இந்த நிகழ்வு நீண்ட காலமாக கிடப்பில் இருந்தது. தற்போது, விராட் கோலி தில்லியில் இருப்பதால், அவரை கௌரவிக்க வேண்டுமென நினைத்தோம் எனத் தெரிவிக்கப்பட்டுள்ளது.
