அமெரிக்காவில் புதிய அதிபராக டொனால்டு ட்ரம்ப் பதவியேற்ற பிறகு உரிய ஆவணங்கள் இன்றி அமெரிக்காவில் தங்கியிருப்பவர்களை கைது செய்து அவர்களின் சொந்த நாட்டிற்கு நாடு கடத்துவது அதிகரித்து இருக்கிறது.
அவர்களை மிகவும் கொடூரமான முறையில் கை, காலில் விலங்கிட்டு நாடு கடத்தப்பட்டது பெரும் சர்ச்சையைக் கிளப்பியது.
புதிதாக இந்தியாவைச் சேர்ந்த 73 வயது மூதாட்டி ஒருவரை ட்ரம்ப் அரசு இந்தியாவிற்கு நாடு கடத்தி இருக்கிறது.
பஞ்சாப்பைச் சேர்ந்த ஹர்ஜித் (73) என்ற பெண் கடந்த 30 ஆண்டுகளாக அமெரிக்காவில் தனது மகனுடன் வசித்து வருகிறார். அவர் போதிய ஆவணங்கள் இல்லாமல் வசித்து வருகிறார் என்பது அமெரிக்க அரசுக்கும் தெரியும்.
1992ஆம் ஆண்டு கவுர் தனது இரண்டு மகன்களுடன் அமெரிக்காவிற்குச் சென்றார். அவர் வடக்கு கலிபோர்னியாவில் வசித்து வந்தார்.
கவுர் தனக்கு அகதி அந்தஸ்து கொடுக்க வேண்டும் என்று கோரி அமெரிக்க நிர்வாகத்திடம் விண்ணப்பித்தார். ஆனால் அவரது கோரிக்கை நிராகரிக்கப்பட்டது.
இதையடுத்து 6 மாதத்திற்கு ஒரு முறை லாஸ் ஏஞ்சல்சில் உள்ள இமிகிரேசன் மற்றும் சுங்கத்துறை அலுவலகத்திற்கு சென்று அறிக்கை கொடுத்து வந்தார்.
