கர்நாடக மாநிலம் துங்கபத்ரா அணையின் மதகுகளில், கதவு ஒன்று உடைந்து அதிகளவு தண்ணீர் வெளியேறி வருவதால் கிருஷ்ணா நதியில் வெள்ளப்பெருக்கு ஏற்பட்டுள்ளது.
1953 ஆம் ஆண்டு கட்டி முடிக்கப்பட்ட துங்கபத்ரா அணையில் மொத்தம் 33 மதகுகள் உள்ளன. இந்நிலையில் சனிக்கிழமை இரவு அதீத மழை கொட்டியதால், அணைக்கு நீர் வரத்து அதிகரித்தது. இதனால் அனைத்து மதகுகளும் திறக்கப்பட்டன. இதில் தண்ணீரின் வேகத்தை தாக்குபிடிக்கமுடியாமல் 19 ஆவது எண் மதகின் கதவு அடித்துச்செல்லப்பட்டது. இதனால் ஒருலட்சம் கன அடிக்கும் அதிகமாக தண்ணீர் வெளியேறி வருகிறது. தண்ணீர் அதிகளவில் செல்வதால் சுற்றுலா பயணிகள் அணையை பார்வையிட முற்றிலும் தடை விதிக்கப்பட்டுள்ளது.
இந்நிலையில் துங்கபத்ரா அணையின் மதகு கதவு உடைந்ததால், தண்ணீர் வெளியேறும் அளவை கண்காணிக்க ஆந்திர நீர்வளத்துறை அதிகாரிகளையும் அந்த மாநில முதலமைச்சர் சந்திரபாபு நாயுடு உத்தரவிட்டுள்ளார்.
துங்கபத்ரா அணையில் இருந்து அதிகளவு தண்ணீர் வெளியேற்றப்படுவதால் ஆந்திராவின் கர்னூல் மாவட்டத்தில் மக்கள் விழிப்புடன் இருக்க ஆந்திர மாநில பேரிடர் மேலாண்மைத்துறை எச்சரிக்கை விடுத்துள்ளது.
.
- First Published :
