Tamil Live Breaking News: தமிழ்நாட்டில் இந்த 5 மாவட்டங்களில் கனமழை அலெர்ட் – எங்கெல்லாம் தெரியுமா?

ஜூன் 22 ஆம் தேதி 5 மாவட்டங்களில் கனமழைக்கு வாய்ப்பு – வானிலை மையம் தகவல்

வரும் 22 ஆம் தேதி நீலகிரி, கோவை, திருப்பூர், திண்டுக்கல், தேனி உள்ளிட்ட 5 மாவட்டங்களில் கனமழைக்கு வாய்ப்பு இருப்பதாக சென்னை வானிலை ஆய்வு மையம் தெரிவித்துள்ளது.

மாம்பழம் சின்ன ஒதுக்கக்கோரி பாமக இந்திய தேர்தல் ஆணையத்தின் கடிதம்

மாநிலக் கட்சி அந்தஸ்தை பாமக இழந்த நிலையில், விக்கிரவாண்டி இடைத்தேர்தலில் போட்டியிடும் பாமக வேட்பாளருக்கு மாம்பழம் சின்னத்தை ஒதுக்க வேண்டுமென பாமக சார்பில் இந்திய தேர்தல் ஆணையத்திற்கு கடிதம் அனுப்பப்பட்டுள்ளது.

ரேஷன் பொருட்கள்-தட்டுப்பாடு : அதிமுக பொதுச்செயலாளர் எடப்பாடி பழனிச்சாமி கண்டனம்

வயநாடு எம்.பி., பதவியை ராஜினாமா செய்த ராகுல்காந்தி

நடந்து முடிந்த மக்களவைத் தேர்தலில் காங்கிரஸ் கட்சி சார்பாக உத்தர பிரதேச மாநிலம் ரேபரேலி மற்றும் கேரள மாநிலம் வயநாடு ஆகிய 2 தொகுதிகளிலும் போட்டியிட்டு ராகுல் காந்தி வெற்றிபெற்றார்.இதனைதொடர்ந்து இரண்டில் ஒரு தொகுதியை ராகுல் காந்தி ராஜினாமா செய்யவேண்டும் என்ற கட்டாயம் இருப்பதால், வயநாடு  எம்பி பதவியை இன்று ராஜினாமா செய்தார்.

நாளை இரவும் இருக்கு… இந்த 4 மாவட்டங்களுக்கு அலெர்ட் கொடுத்த வெதர்மேன்

இன்று அறிமுகமாகும் கூகுள் நிறுவனத்தின் ‘ஜெமினி மொபைல் ஆப்’

விக்கிரவாண்டி இடைத்தேர்தல் : திமுக, பாமக வேட்பாளர்கள் நாளை வேட்புமனு தாக்கல்

விக்கிரவாண்டி இடைத்தேர்தலில் போட்டியிடும் திமுக மற்றும் பாமக வேட்பாளர்கள் நாளை வேட்புமனு தாக்கல் செய்கின்றனர்.

அமைச்சர் பொன்முடிக்கு எதிரான வழக்கு ஜூலை 22ம் தேதிக்கு ஒத்திவைப்பு

சொத்துக்குவிப்பு வழக்கில் அமைச்சர் பொன்முடி விடுதலை செய்யப்பட்டதற்கு எதிராக தாமாக முன் வந்து விசாரணைக்கு எடுத்த வழக்கை ஜூலை 22ம் தேதிக்கு சென்னை உயர் நீதிமன்றம் தள்ளிவைத்தது. அதேபோல முன்னாள் அமைச்சர் வளர்மதிக்கு எதிரான வழக்கின் விசாரணை செப்டம்பர் மாதத்துக்கு தள்ளிவைத்து நீதிபதி உத்தரவிட்டுள்ளார்.

விக்கிரவாண்டி இடைத்தேர்தலில் போட்டியில்லை – தவெக அதிகாரப்பூர்வ அறிவிப்பு

பேருந்து உரிமையாளர் சங்கத்தினர் அவசர ஆலோசனை

வெளிமாநில பதிவு எண் கொண்ட ஆம்னி பேருந்துகளை தமிழகத்தில் இயக்குவதற்கான கால அவகாசம் இன்றுடன் நிறைவடைந்த நிலையில் அடுத்த கட்ட நிலைப்பாடு குறித்து ஆம்னி பேருந்து உரிமையாளர் சங்கத்தினர் ஆலோசனையில் ஈடுபட உள்ளனர். சென்னை கோயம்பேடு தனியார் ஓட்டலில் இன்று ஆலோசனை நடைபெறுகிறது.

வெளிமாநில ஆம்னி பேருந்துகளுக்கு இன்று முதல் தடை

வெளிமாநில பேருந்துகளை தமிழ்நாட்டில் இயக்குவதற்கான கால அவகாசம் இன்றுடன் நிறைவடையவுள்ள நிலையில், கூடுதல அவகாசம் வழங்கும் திட்டம் இல்லை என போக்குவரத்து துறை தெரிவித்துள்ளது. மேலும் திட்டமிட்டபடி வெளி மாநில பேருந்துகள் இன்று முதல் தடை விதிக்கப்படும் எனவும் தடையை  மீறி  இயக்கினால் பேருந்துகள் சிறைபிடிக்கப்பட்டு அபராதம் விதிக்கப்படும் எனவும் தெரிவித்துள்ளது.

பிரபல தொழிலதிபர் கடத்தல் : சென்னையில் பரபரப்பு

சென்னை மதுரவாயல் மதுர நாயகன் தெரு பகுதியில் தூத்துக்குடியில் இருந்து வந்து உறவினர் வீட்டில் தங்கி இருந்த ஹர்ஷவர்தன் என்ற தொழிலதிபரை, தூத்துக்குடி மாவட்டத்தை சேர்ந்த ரகு மற்றும் அவர் நண்பர் இருவரும் சேர்ந்து காரில் கடத்திச் சென்றுள்ளனர். இது தொடர்பாக மதுரவாயல் காவல் நிலையத்தில் புகார் அளிக்கப்பட்டுள்ளது மேலும் பணம் கொடுக்கல் வாங்கல் தொடர்பாக அர்சவர்தனை இருவரும் கடத்திச் சென்றது முதல் கட்ட விசாரணையில் தெரியவந்துள்ளது

விழுப்புரம் வடக்கு மாவட்ட திமுக அவைத் தலைவராக அமைச்சர் செஞ்சி மஸ்தான் நியமனம்

மேட்டூர் அணை நிலவரம்

எல்லை தாண்டி மீன்பிடித்ததாக தமிழக மீனவர்கள் சிறைபிடிப்பு

புதுக்கோட்டை மாவட்டம் கோட்டைப்பட்டினம் மீன்பிடி துறைமுகத்திலிருந்து நேற்று சிபிராஜ் என்பவருக்கு சொந்தமான விசைப்படகில் கடலுக்கு மீன் பிடிக்க சென்ற பார்த்திபன் முரளி சாரதி ராமதாஸ் ஆகிய நான்கு மீனவர்கள் நெடுந்தீவு அருகே மீன்பிடித்துக் கொண்டிருந்தனர். அப்போது அங்கு ரோந்து பணியில் ஈடுபட்டிருந்த இலங்கை கடற்படையினர் எல்லை தாண்டி மீன்பிடித்ததாக ஒரு விசைப்படகுடன் நான்கு பேரை கைது செய்தனர். இதையடுத்து காங்கேசன் துறைமுகத்திற்கு அழைத்துச் செல்ல உள்ளனர்.

சென்னை மழை எதிரொலி : விமான சேவை பாதிப்பு

சென்னையில் இடி, மின்னலுடன் கொட்டித்தீர்த்த கனமழை

சென்னையில் மாலை அல்லது இரவு நேரங்களில் மழை பெய்யக்கூடும் என வானிலை ஆய்வு மையம் எச்சரித்து இருந்தது. அந்தவகையில் சென்னையின் பல்வேறு பகுதிகளில் நள்ளிரவு 2 மணி அளவில் பலத்த காற்றுடன் மழை பெய்தது. நுங்கம்பாக்கம், கோடம்பாக்கம், போரூர், ராமாவரம், வளசரவாக்கம் உள்ளிட்ட பகுதிகளில் இடி, மின்னலுடன் கூடிய மழை கொட்டித் தீர்த்தது. வேளச்சேரி, பள்ளிக்கரணை, மேடவாக்கம் உள்ளிட்ட பகுதிகளிலும் இடியுடன் கூடிய மழை பெய்தது. இதனால் பல்வேறு பகுதிகளில் சாலைகளில் மழை நீர் பெருக்கெடுத்து ஓடியது.