தனது 26 வார கர்ப்பத்தை மருத்துவ ரீதியாக கலைக்குமாறு பெண் ஒருவரின் மனுவை உச்ச நீதிமன்றம் நிராகரித்துள்ளது. கர்ப்பமானது பெண்ணின் உயிருக்கு உடனடி ஆபத்து இல்லை என்றும் கரு ஆரோக்கியமாக உள்ளது என்றும் எய்ம்ஸ் மருத்துவக் குழுவின் அறிக்கையின் அடிப்படையில் நீதிமன்றம் இந்த முடிவை எடுத்துள்ளது.
மருத்துவக் கருத்தரிப்பு (எம்டிபி) சட்டத்தின் கீழ், திருமணமான பெண்கள், கற்பழிப்பில் இருந்து தப்பியவர்கள் உள்ளிட்ட சிறப்புப் பிரிவினர் மற்றும் மாற்றுத்திறனாளிகள் மற்றும் மைனர்கள் போன்ற பிற பாதிக்கப்படக்கூடிய பெண்களுக்கு கர்ப்பத்தை கலைப்பதற்கான உச்ச வரம்பு 24 வாரங்களாகும்.
இந்த வழக்கில் தற்போது 26 வாரங்களுக்கு மேல் உள்ள கருவை கலைக்க பெண்ணை அனுமதிக்கலாமா என்ற குழப்பத்தை உச்சநீதிமன்றம் எதிர்கொண்டது.
எய்ம்ஸ் மருத்துவக் குழுவின் மருத்துவர் ஒருவர், அப்பெண்ணைப் பரிசோதித்து அக்டோபர் 6ஆம் தேதியன்று உச்ச நீதிமன்றத்தில் அறிக்கை தாக்கல் செய்தார், அக்டோபர் 10ஆம் தேதி கரு உயிர் பிழைப்பதற்கான சாத்தியக்கூறுகள் அதிகம் என்று மின்னஞ்சல் அனுப்பியதை அடுத்து இந்த பிரச்சினை எழுந்தது.
