மாா்க்சிஸ்ட் கம்யூனிஸ்ட் கட்சியின் பொதுச் செயலா் சீதாராம் யெச்சூரி மறைவுக்கு முதல்வர் ஸ்டாலின் இரங்கல் தெரிவித்துள்ளார்.
மாா்க்சிஸ்ட் கம்யூனிஸ்ட் கட்சியின் பொதுச் செயலா் சீதாராம் யெச்சூரி (72) உடல்நலக் குறைவால் இன்று காலமானார்.
சுவாச நோய் தொற்று பாதிப்பால் மருத்துவமனையில் தொடா்ந்து சிகிச்சைப் பெற்று வந்த நிலையில், சிகிச்சைப் பலனின்றி வியாழக்கிமை பிற்பகல் 3.05 மணிக்கு இன்று அவர் உயிரிழந்ததாகத் தகவல்கள் தெரிவிக்கின்றன.
சீதாராம் யெச்சூரி மறைவு: குடியரசுத் தலைவர் இரங்கல்!
முதல்வர் இரங்கல்
சீதாராம் யெச்சூரி மறைவு தொடர்பாக முதல்வர் ஸ்டாலின் தன்னுடைய இரங்கலை எக்ஸ் தளப் பதிவில் தெரிவித்துள்ளார். அதில் அவர் தெரிவித்ததாவது:
இந்திய அரசியலில் தலைசிறந்த ஆளுமையான சீதாராம் யெச்சூரி மறைவு வேதனையளிக்கிறது. சிறுவயதில் இருந்தே அவர் நீதிக்காக அர்ப்பணிப்புடன் போராடிய அச்சம் இல்லாத தலைவர். அவசர பிரகடன நிலையின் போது தைரியத்துடன் மாணவர் தலைவராக இருந்தவர்.
மதச்சார்பின்மை, சமூகநீதி, சமத்துவம் போன்றவற்றிற்காக அர்பணிப்புடன் பணியாற்றியவர். இந்த கடினமான தருணத்தில் அவரை இழந்து வாடும் அவரது குடும்பத்தினருக்கு என்னுடைய ஆழ்ந்த இரங்கலைத் தெரிவித்துக் கொள்கிறேன்.
