தூத்துக்குடி மாவட்டம், கோவில்பட்டியில் அ.தி.மு.க செயல்வீரர்கள் கூட்டம் நடைபெற்றது. இதில், முன்னாள் அமைச்சரும் தூத்துக்குடி அ.தி.மு.க வடக்கு மாவட்டச் செயலாளருமான கடம்பூர் ராஜூ கலந்து கொண்டார். பின்னர் செய்தியாளர்களிடம் பேசிய அவர், “பிறப்பால் பதவி கிடைப்பது தி.மு.க-வில். உழைப்பால் பதவி கிடைப்பது அ.தி.மு.க-வில் மட்டும்தான். கருணாநிதி, ஸ்டாலின், உதயநிதி ஸ்டாலின் ஆகியோர் பிறப்பால் மட்டுமே பதவிக்கு வந்தவர்கள். தி.மு.க ஆட்சிக்கு வந்துவிட்டது.
ஒரே கையெழுத்தில் நீட் தேர்வு ரத்து என்றார்கள். அதை நிறைவேற்றவில்லை. மதுரையில் எய்ம்ஸ் மருத்துவமனை கட்டப்படவில்லை எனச் சொல்லி, ஒரு செங்கலை தூக்கிக் கொண்டு அலைந்த உதயநிதி ஸ்டாலினை ’செங்கல் நிதி’ என மக்கள் அழைக்கிறார்கள். தி.மு.க மற்றும் அதன் கூட்டணியில் இருக்கும் 39 எம்.பி.,க்கள் எய்ம்ஸ் மருத்துவமனைக்காக ஏன் குரல் கொடுக்கவில்லை?
