“மதுரையில் பொதுக்குழுவை நடத்தி தனக்குத் தானே திமுக சூனியம் வைத்துக்கொண்டது…” -செல்லுர் ராஜூ

திரைச்சீலைகள் கட்டியவர்கள் மீது நடவடிக்கை எடுப்போம் என்று கலெக்டர் ஒரு விளக்கம் கொடுத்தார். இப்படி ஒரு கலெக்டரை நான் பார்த்ததே இல்லை.

ஒரு முறைக்குப்பின் மறுமுறை ஆட்சிக்கு வர முடியாத சுவாரசியமான கதை திமுகவிடம் உண்டு. அதிலும் மதுரையில் பொதுக்குழு கூட்டினால் எப்போதும் வந்ததில்லை.

திமுகவில் எம்ஜிஆர் இருந்தவரை ஆட்சிக்கு வந்தார்கள். திமுகவை விட்டு எம்ஜிஆர் வெளியே வந்த பிறகு இரண்டாவது முறையாக திமுக ஆட்சிக்கு வந்ததே இல்லை.

மதுரையில் திமுகவின் பொதுக்குழு எப்போதெல்லாம் கூடுகிறதோ அப்போதெல்லாம் அடுத்த 10 ஆண்டுகளுக்கு ஆட்சிக்கு வர முடியாது. 1977 இல் நடந்த பொதுக்குழுவுக்குப்பின் 12 ஆண்டுகள் அதிமுக ஆட்சி தான் நடந்தது. இதனால்தான் மதுரைக்காரர்கள் என்றாலே திமுக தலைமைக்குப் பிடிக்காது.

யாரோ முதல்வரை ஏமாற்றி இருக்கிறார்கள். மாற்றுத்திறனாளி ஒருவர் உலகக் கோப்பை வாங்கியதாக கலெக்டர் முதல் முதல்வர் வரை ஏமாற்றியதுபோல பொதுக்குழுக் கூட்டத்தை மதுரையில் நடத்தி முதல்வரை ஏமாற்றி இருக்கிறார்கள்.

மதுரையில் பொதுக்குழுவை நடத்தி தனக்குத் தானே சூனியம் வைத்துக்கொண்டது திமுக. இனி பத்து ஆண்டுகளுக்கு ஆட்சிக்கு வர முடியாது. முதல்வர் அதிமுக பொதுச் செயலாளரைத் திட்டுகிறார். திட்டத் திட்ட திண்டுக்கல்லு. எங்கள் பொதுச் செயலாளர் அவ்வளவு பவர்ஃபுல்லாக இருக்கிறார்” என்றார்.