கொரோனா தொற்று பாதிப்பால் மக்கள் இறந்து கொண்டிருந்தபோது, தட்டை தட்டி ஒலி எழுப்பச் சொன்னவர் மோடி. அவரையா கடவுள் அனுப்பினார் என்று காங்கிரஸ் முன்னாள் தலைவர் ராகுல் காந்தி கேள்வி எழுப்பியுள்ளார்.
நாடாளுமன்ற மக்களவை தேர்தல் இந்தியா முழுதும் பரபரப்பாக நடைபெற்று வருகிறது. 7 கட்டங்களாக நடைபெறும் இந்தத் தேர்தலில் இதுவரை 5 கட்ட வாக்குப்பதிவு நிறைவுற்று உள்ளது. 6-வது கட்ட மக்களவை தேர்தல் நாளை மறுநாள் சனிக்கிழமை (மே 25ம் தேதி) நடைபெற உள்ளது. இதற்கான தேர்தல் பிரச்சாரம் அரசியல் களத்தில் சூடுபிடித்துள்ளது.
இந்நிலையில், வடகிழக்கு டெல்லி மக்களவைத் தொகுதியில் இந்தியா கூட்டணி சார்பில் போட்டியிடும் காங்கிரஸ் வேட்பாளர் கன்னையா குமாருக்காக காங்கிரஸ் தலைவர் ராகுல் காந்தி இன்று பிரசாரம் செய்தார். அப்போது, அக்னிவீர் திட்டம் தொடர்பாக நரேந்திர மோடி தலைமையிலான பாஜக அரசை குற்றஞ்சாட்டிய ராகுல் காந்தி,
நரேந்திர மோடி 2 கோடி இளைஞர்களுக்கு வேலை தருவதாக பொய் சொன்னார். பணமதிப்பிழப்பு மூலம் சிறு கடைகள், சிறு வியாபாரிகள், சிறு தொழிற்சாலைகள் என்கிற அமைப்பை அழித்தார்.
இதையும் படிங்க:
ரேசன் கடைகள் செயல்படும் நேரம் மாற்றம்..? விரைவில் வெளியாகவுள்ள முக்கிய அறிவிப்பு!
இப்போது ஒட்டுமொத்த அமைப்பும் முடங்கிவிட்டது. தொழிற்சாலைகள் மூடப்பட்டன, சிறு மற்றும் நடுத்தர வணிகங்கள் மூடப்பட்டன, டி-சர்ட் மற்றும் பேன்ட் தயாரிக்கும் யூனிட்கள் செயல்படவில்லை. வங்கதேசம் இப்போது ஜவுளி தயாரிப்பதில் நம்மை விட முன்னிலையில் உள்ளது.
கொரோனா தொற்று பாதிப்பால் மக்கள் இறந்து கொண்டிருந்தனர். அந்த இக்கட்டான நேரத்தில் மோடி தட்டில் ஒலி எழுப்பச் சொன்னார். விசித்திரமான உண்மை என்னவென்றால், தன்னை பரமாத்ம அனுப்பியதாகக் கூறும் நபர் 22 பேருக்கு மட்டுமே வேலை செய்கிறார். அக்னிவீர் திட்டத்தை மோடி கொடுக்கிறார். நாங்கள் அந்த அக்னிவீர் திட்டத்தை கிழித்து குப்பைத் தொட்டியில் வீசுவோம்.
அரசியலமைப்புச் சட்டத்தை ஆட்சிக்கு வந்தால் முடித்துவிடுவோம் என்று அவர்களின் (பா.ஜ.க) தலைவர்கள் வெளிப்படையாகக் கூறுவது இதுவே முதல் முறை. பா.ஜ.க மற்றும் ஆர்.எஸ்.எஸ் கட்சியினரிடம் இதை செய்ய முடியாது என்பதால் கனவு காண வேண்டாம் என்று நான் கூற விரும்புகிறேன்.
இடஒதுக்கீடு, தேர்தல்கள், ஜனநாயகம், பசுமை மற்றும் வெள்ளைப் புரட்சி, 100 நாள் வேலை திட்டம் மகாத்மா காந்தி தேசிய ஊரக வேலை உறுதிச் சட்டம் 2005 (MNREGA) மற்றும் பலவற்றை இந்த அரசியலமைப்பின் விளைவாக நாங்கள் ஒருபோதும் விடமாட்டோம்.
இதையும் படிங்க:
மயிலாப்பூர் கபாலீஸ்வரர் கோயில் நிலத்தில் கலாச்சார மையம்… தடை விதித்து உயர்நீதிமன்றம் உத்தரவு!
புனேவில் நடந்த விபத்து குறித்து அவர் பேசுகையில், “டிரக்குகள், ஊபர்ஸ், ஓலாஸ் போன்ற வாகனங்களை ஓட்டுபவர்கள் தவறுதலாக விபத்தில் சிக்கினால், அவர்களுக்கு அபராதம் மற்றும் 10 ஆண்டுகள் சிறை தண்டனை விதிக்கப்படுகிறது. ஆனால் புனேவில் 18 வயது கூட நிரம்பாத, ஒரு கோடீஸ்வரரின் மகன், விபத்தில் மக்களை படுகொலை செய்கிறார்.
அவரை நீதிமன்றம் கட்டுரை எழுதச் சொல்கிறது. நான் அவர்களிடம் கேட்க விரும்புகிறேன், ஒரு டிரக் டிரைவர் விபத்தில் சிக்கினால், அவர்கள் ஏன் ஒரு கட்டுரை எழுதச் சொல்லவில்லை?” என்று ராகுல் காந்தி கேள்வி எழுப்பினார்.
.
