டெம்போவில் அவர்கள் (அம்பானி – அதானி) பணம் அனுப்பினார்கள் என்பது உங்களுக்கு எப்படி தெரியும்; உங்களுடைய தனிப்பட்ட அனுபவமா? என்று பிரதமர் நரேந்திர மோடிக்கு ராகுல் காந்தி கேள்வி எழுப்பியுள்ளார்.
தெலங்கானாவின் வெமுலவாடா பகுதியில் தேர்தல் பிரசாரத்தில் பேசிய பிரதமர் மோடி, அதானி, அம்பானியிடம் இருந்து எவ்வளவு கருப்புப் பணத்தை வாங்கினீர்கள்? மக்களவைத் தேர்தலுக்காக எவ்வளவு நன்கொடை பெற்றீர்கள்? 5 ஆண்டுகளாக விமர்சித்து வந்தவர்கள் ஒரே இரவில் அமைதி காப்பது ஏன்? என கேள்வி எழுப்பியிருந்தார்.
இதற்கு பதிலளித்து ராகுல் காந்தி விடியோ ஒன்றை வெளியிட்டுள்ளார்.
”வழக்கமாக மூடப்பட்ட அறைக்குள்தான் நீங்கள் அதானி, அம்பானி பற்றி பேசுவீர்கள். பொதுவெளியில் அவர்களைப் பற்றி நீங்கள் பேசுவது இதுதான் முதல்முறை. டெம்போவில் (எங்களுக்கு) பணம் அனுப்பினார்கள் என்று உங்களுக்கு எப்படித் தெரியும்?
உங்களுடைய தனிப்பட்ட அனுபவம் காரணமா?
(அப்படி பணம் அனுப்பியிருந்தால்) ஏன் நீங்கள் சிபிஐ மற்றும் அமலாக்கத்துறையை அவர்களிடம் அனுப்பவில்லை. நீங்கள் பயப்படக்கூடாது. அவர்களுக்கு பிரதமர் நரேந்திர மோடி வழங்கிய நிதி அனைத்தையும் இந்தியாவில் உள்ள ஏழை மக்களுக்கு வழங்குவோம்.
நாட்டில் எண்ணற்ற லட்சாதிபதிகளை உருவாக்குவோம்” என்று குறிப்பிட்டுள்ளார் ராகுல் காந்தி.
भाजपा के भ्रष्टाचार के टेम्पो का ‘ड्राइवर’ और ‘खलासी’ कौन है, देश जानता है। pic.twitter.com/62N5IkhHWk
— Rahul Gandhi (@RahulGandhi) May 8, 2024
