உக்ரேனிய ஜனாதிபதி வோலோடிமிர் ஜெலென்ஸ்கி வெள்ளிக்கிழமை, கிய்வின் தற்போதைய அமைதி முயற்சிகளுக்கு ஆதரவளிப்பதில் மிகவும் தீவிரமான பங்கை வகிக்குமாறு மோடியை வலியுறுத்தினார். கடந்த மாதம் பிரதமர் நரேந்திர மோடியின் மாஸ்கோ விஜயத்தின் அதே நாளில் உக்ரைனின் மிகப்பெரிய குழந்தைகள் மருத்துவமனை மீது ரஷ்யா தாக்குதல் நடத்திய்ருன்தது. ரஷ்ய அதிபர் விளாடிமிர் புடின் இந்தியாவையோ உங்களையோ (பிரதமர் மோடியை) மதிக்கவில்லை என்பதை நிரூபித்ததாக உள்ளதாக ஜெலென்ஸ்கி கூறினார். மோடியுடனான பேச்சுவார்த்தையைத் தொடர்ந்து நடைபெற்ற ஊடகவியலாளர் சந்திப்பின் போது ஜெலென்ஸ்கி இந்தக் கருத்துக்களை வெளியிட்டார்.
ரஷ்ய அதிபர் விளாடிமிர் புதின் மீதான தனது விமர்சனத்தை அதிகரித்துள்ள ஜெலென்ஸ்கி, “மோடிக்கு உக்ரைனின் அமைதியின் மீது அக்கறை இருந்தால் அதைப் பற்றி பேசுவதில் நாங்கள் மகிழ்ச்சியடைவோம். ஆனால் எந்த முன்மொழிவுகளிலும் நாங்கள் எங்கள் பிரதேசங்களை மாற்ற மாட்டோம்… பிரதமர் மோடி புடினை விட அமைதியை விரும்புகிறார்… புதின் அதை விரும்பவில்லை, அவர்கள் சந்திப்பில் என்ன பேசினார்கள் என்று தெரியவில்லை. எனவே, அவர் (ரஷ்ய ஜனாதிபதி) இந்தியாவை மதிக்கவில்லை அல்லது அவரது இராணுவத்தை கட்டுப்படுத்தவில்லை என்பதையையே அது காட்டுகிறது. அதாவது அவர் இந்திய பிரதமரை மதிக்கவில்லை என்று அர்த்தம்… அதனால், என்னைப் பொறுத்தவரை, அவர் அவரது ரஷ்ய தொலைக்காட்சி நிகழ்ச்சிகளைப் போல அவர் மிகவும் புத்திசாலி இல்லை என்பது தெளிவாகிறது” என்று ANI தெரிவித்துள்ளது.
கமெண்ட் செய்ய விரும்பவில்லை