ட்ரோன்களைப் பயன்படுத்தி போர் நடவடிக்கை.. பயிற்சித் திட்டங்களைப் புதுமைப்படுத்தியது பி.எஸ்.எஃப். | இந்தியா

நவீன போர் யுக்திகளைக் கையாளும் வகையில் இந்தத் திட்டம் எல்லைப் பாதுகாப்படையின் இணைக்கப்பட்டுள்ளதாக உயர் அதிகாரிகள் தெரிவித்துள்ளனர். இந்திய எல்லைப் பகுதியில் பெரும்பான்மையான இடங்களை பி.எஸ்.எஃப் எனப்படும் எல்லைப் பாதுகாப்புப் படையினர் பாதுகாத்து வருகிறார்கள்.

இவர்கள் துணை இராணுவத்தினர் என்றும் அழைக்கப்படுகின்றனர். இந்நிலையில் இந்தியாவுக்கு எல்லைப் பகுதியில் அமைந்திருக்கும் பாகிஸ்தான், சீனா, நேபாளம் உள்ளிட்ட பகுதிகளில் ஆளில்லா உளவு விமானங்கள் மூலமாக எதிரிகள் கண்காணிப்பு மற்றும் தாக்குதலை நடத்தக்கூடிய அபாயம் உள்ளது. இது நாட்டின் பாதுகாப்புக்கு பிரச்சனையை ஏற்படுத்தும்.

குறிப்பாக ஜம்மு காஷ்மீர் எல்லைப் பகுதிகளில் ட்ரோன்கள் மூலமாக ஆயுதங்கள், போதைப்பொருட்கள் கடத்துதல் நடந்துள்ளது. இதே போன்று பஞ்சாப் பகுதியில் அதிக எண்ணிக்கையில் பாகிஸ்தான் போதை பொருட்களை ஆளில்லா உளவு விமானங்கள் மூலமாகக் கடத்தி உள்ளது. இந் நிலையில் ஆளில்லா உளவு விமானங்களின் சவால்களை எதிர்கொள்ளும் விதமாக எல்லைப் பாதுகாப்புப் படையினரின் பயிற்சித் திட்டத்தில் ட்ரோன் போர் முறை என்ற புதிய பாடங்கள் இணைக்கப்பட்டுள்ளன.

இதன் கீழ் பயிற்சி பெறும் வீரர்கள் ட்ரோன்களைக் கண்டறிந்து, அடையாளம் கண்டு, தடுத்து நிறுத்துவதில் நிபுணத்துவம் பெறுவார்கள். இது எல்லைப் பாதுகாப்புப் படையின் நடவடிக்கைகளை மேம்படுத்தும் என அதிகாரிகள் தெரிவித்துள்ளனர்.