பிரதமர் நரேந்திர மோடி பிறந்தநாளில் நடந்த முக்கிய உலக அரசியல் நகர்வு! அமெரிக்கா வரியை குறைக்கிறதா? | இந்தியா

பிரதமர் நரேந்திர மோடி இன்று தனது 75வது பிறந்தநாளைக் கொண்டாடினார். பல்வேறு தலைவர்களும், பிரதமர் நரேந்திர மோடிக்கு வாழ்த்து தெரிவித்துள்ளனர்.

இதில் குறிப்பாக பிரதமர் நரேந்திர மோடிக்கு அமெரிக்க அதிபர் டிரம்ப் தொலைபேசி வாயிலாக அழைத்து தனது பிறந்தநாள் வாழ்த்தைத் தெரிவித்தார். இந்நிலையில், இந்தியா மீதான வரி குறைக்கப்படுமா என்ற எதிர்பார்ப்பு எழுந்துள்ளது. பிரதமர் மோடியைத் தொலைபேசியில் தொடர்புகொண்ட அமெரிக்க அதிபர் டொனால்டு டிரம்ப், பிறந்த நாள் வாழ்த்து தெரிவித்தார்.

இதற்கு நன்றி தெரிவித்து எக்ஸ் தளத்தில் பதிவிட்டுள்ள மோடி, தங்களைப் போன்றே, இந்தியா- அமெரிக்கா இடையேயான விரிவான மற்றும் உலகளாவிய ஒத்துழைப்பை புதிய உச்சத்துக்கு கொண்டுசெல்ல முழு உறுதிபூண்டுள்ளதாகத் தெரிவித்துள்ளார்.

மேலும், உக்ரைன் பிரச்சினைக்கு அமைதியான தீர்வுகாண தாங்கள் மேற்கொண்டுவரும் முயற்சிகளுக்கு ஆதரவு தெரிவிப்பதாகவும் நரேந்திர மோடி தெரிவித்துள்ளார்.

பிரதமர் மோடிக்கு வாழ்த்து தெரிவித்தது குறித்து பதிவிட்டிருந்த அமெரிக்க அதிபர் டிரம்ப், தனது நண்பரை தொலைபேசியில் அழைத்து பிறந்தநாள் வாழ்த்து தெரிவித்ததாகக் குறிப்பிட்டுள்ளார். பிரதமர் மோடி குறிப்பிடத்தக்க பணியைச் செய்து வருவதாகக் குறிப்பிட்டுள்ள டிரம்ப், ரஷ்யா- உக்ரைன் இடையேயான போரை நிறுத்த ஆதரவு தெரிவித்த மோடிக்கு நன்றி தெரிவித்துள்ளார்.