இந்தியா விரைவில் 5 டிரில்லியன் டாலர் பொருளாதார நாடாக உருவெடுக்கும் – பிரதமர் மோடி

வேலைவாய்ப்புகளை பெருக்குவது தொடர்பான பட்ஜெட்டுக்கு பிந்தைய கருத்தரங்கில் காணொளி காட்சி வாயிலாகக் கலந்து கொண்டு பேசிய அவர்,

கடந்த 10 ஆண்டுகளில் 3 கோடி இளைஞர்களுக்கு திறன் மேம்பாட்டு பயிற்சியளிக்கப்பட்டிருப்பதாகக் கூறினார். நாடு முழுவதும் ஆயிரம் ஐ.டி.ஐ.கள் மேம்படுத்தப்படும் என்றும் தெரிவித்தார்.

கடந்த 10 ஆண்டுகளில் இந்தியா 66 சதவீதம் வளர்ச்சியடைந்து, 3 புள்ளி 8 டிரில்லியன் டாலர் பொருளாதாரமாக உயர்ந்துள்ளதாகவும், இந்த பொருளாதார வளர்ச்சி பல்வேறு நாடுகளை விட அதிகம் என்றும் பிரதமர் கூறினார்.

இதையும் படிங்க : இன்று தமிழகம் வருகிறார் மத்திய அமைச்சர் அமித் ஷா..! பயணத்திட்டம் என்ன?

5 டிரில்லியன் டாலர் பொருளாதார நாடாக மாறும் நாள் வெகு தொலைவில் இல்லை என்று கூறிய பிரதமர், மக்கள், பொருளாதாரம் மற்றும் புதுமையான கண்டுபிடிப்புகள் மீது அதிகளவு முதலீடு செய்வதன் மூலமே வளர்ந்த நாடாக மாற முடியும் என்று தெரிவித்தார். அதற்கு ஏற்ப இந்த ஆண்டு பட்ஜெட் இந்தியாவின் எதிர்காலத்திற்கான ஒரு வரைபடமாக இருப்பதாகவும் பிரதமர் மோடி பெருமிதம் தெரிவித்தார்.