குஜராத்தின் கிர் தேசிய பூங்காவில் சபாரி சென்ற பிரதமர் மோடி..! சிங்கங்களை புகைப்படம் எடுத்து மகிழ்ச்சி

இதுகுறித்து எக்ஸ் தளத்தில், நமது கிரகத்தின் பல்லுயிர் பெருக்கத்தைப் பாதுகாப்பதன் முக்கியத்துவத்தை பாதுகாக்க ஒவ்வொரு இனமும் ஒரு முக்கிய பங்கு வகிக்கிறது என்று பிரதமர் மோடி வலியுறுத்தினார்.

இது குறித்து எக்ஸ் தளத்தில் பதிவிட்ட அவர், “இன்று, உலக வனவிலங்கு தினத்தன்று, நமது கிரகத்தின் நம்பமுடியாத பல்லுயிர் பெருக்கத்தைப் பாதுகாப்பதற்கு நமது உறுதிப்பாட்டை மீண்டும் வலியுறுத்துவோம். ஒவ்வொரு உயிரினமும் ஒரு முக்கிய பங்கை வகிக்கிறது. வரும் தலைமுறைகளுக்கு அவற்றின் எதிர்காலத்தைப் பாதுகாப்போம்! வனவிலங்குகளைப் பாதுகாப்பதிலும் இந்தியாவின் பங்களிப்புகளில் நாங்கள் பெருமை கொள்கிறோம்,” என்று தெரிவித்துள்ளார்.

ஞாயிற்றுக்கிழமை மாலை சோம்நாத்தில் இருந்து வந்த மோடி, 12 ஜோதிர்லிங்கங்களில் முதன்மையான சிவன் கோவிலில் பிரார்த்தனை செய்த பிறகு, சாசனில் உள்ள மாநில வனத்துறையால் நிர்வகிக்கப்படும் வன விருந்தினர் இல்லமான சிங் சதனில் இரவு தங்கினார். அங்கிருந்து, பிரதமர், சில அமைச்சர்கள் மற்றும் மூத்த வனத்துறை அதிகாரிகளுடன் சிங்க சஃபாரிக்குச் சென்றார்.

இதையும் படிக்க: அருணாசலில் இருந்து மீட்கப்பட்ட 20 யானைகள்… சங்கிலி பிணைப்பின்றி சுதந்திரமாக உலா வருகின்றன

கிர் வனவிலங்கு சரணாலயத்தின் தலைமையகமான சாசன் கிரில், பிரதமர் தேசிய வனவிலங்கு வாரியத்தின் ஏழாவது கூட்டத்திற்கும் தலைமை தாங்குவார் என கூறப்பட்டுள்ளது.

தேசிய வனவிலங்கு வாரியத்தின் கூட்டத்தில், ராணுவத் தலைமைத் தளபதி, பல்வேறு மாநிலங்களைச் சேர்ந்த உறுப்பினர்கள், அரசு சாரா நிறுவனங்களின் பிரதிநிதிகள், பல்வேறு மாநிலங்களைச் சேர்ந்த தலைமை வனவிலங்கு வார்டன்கள் மற்றும் செயலாளர்கள் உட்பட 47 உறுப்பினர்கள் உள்ளனர். இந்த கூட்டத்திற்குப் பிறகு, சாசனில் உள்ள சில பெண் வன ஊழியர்களுடனும் மோடி உரையாடுவார் என கூறப்பட்டுள்ளது.

குஜராதில் மட்டுமே வசிக்கும் ஆசிய சிங்கங்களைப் பாதுகாப்பதற்காக வடிவமைக்கப்பட்ட, ’ப்ராஜெக்ட் லயன்’ திட்டத்திற்கு மத்திய அரசு ரூ.2,900 கோடிக்கு மேல் ஒதுக்கியுள்ளதாக அரசு வெளியிட்டுள்ள அறிக்கையில் தெரிவிக்கப்பட்டுள்ளது. தற்போது, ​​குஜராத்தின் 9 மாவட்டங்களில் உள்ள 53 தாலுகாக்களில் கிட்டத்தட்ட 30,000 சதுர கிலோமீட்டர் பரப்பளவில் ஆசிய சிங்கங்கள் வசிக்கின்றன என்று அந்த அறிக்கையில் தெரிவிக்கப்பட்டுள்ளது.

Today, on #WorldWildlifeDay, let’s reiterate our commitment to protect and preserve the incredible biodiversity of our planet. Every species plays a vital role—let’s safeguard their future for generations to come!

We also take pride in India’s contributions towards preserving… pic.twitter.com/qtZdJlXskA

— Narendra Modi (@narendramodi) March 3, 2025