இன்று மாலை நாட்டு மக்களிடம் உரையாற்றுகிறார் பிரதமர் மோடி… என்ன பேசப்போகிறார் தெரியுமா? | இந்தியா

இந்நிலையில், மத்திய நிதி அமைச்சர் நிர்மலா சீதாராமன் தலைமையில் 56-ஆவது ஜிஎஸ்டி கவுன்சில் கூட்டம் டெல்லியில் நடைபெற்றது. அதன்பின்னர் செய்தியாளர்களிடம் பேசிய நிதியமைச்சர் நிர்மலா சீதாராமன், 5, 12, 18, 28 என நான்கு அடுக்காக இருந்த ஜிஎஸ்டியை இனி 2 அடுக்குகளாக குறைக்க ஜிஎஸ்டி கவுன்சில் கூட்டத்தில் ஒப்புதல் வழங்கப்பட்டுள்ளதாகத் தெரிவித்தார். இதன்மூலம், பல்வேறு பொருட்களின் விலை குறைய உள்ளதாகவும், ஜிஎஸ்டி வரி சீர்திருத்தம் வரும் 22ஆம் தேதி முதல் அமலுக்கு வர உள்ளதாகவும் அவர் கூறினார்.

இந்நிலையில் பிரதமர் நரேந்திர மோடி இன்று (செப்டம்பர் 21) மாலை 5 மணிக்கு  நாட்டு மக்களுக்கு உரையாற்ற உள்ளார் என ஏஎன்ஐ செய்தி நிறுவனம் தகவல் தெரிவித்துள்ளது.

நாளை (செப்டம்பர் 22, 2025) முதல் சரக்கு மற்றும் சேவை வரி (ஜிஎஸ்டி) சீர்திருத்தங்கள் அமலுக்கு வர உள்ள நிலையில், இது தொடர்பாக பிரதமர் மோடி பேசுவார் எனப் பரவலாக எதிர்பார்க்கப்படுகிறது.

இந்த சீர்திருத்தங்கள் வணிகர்கள் மற்றும் பொதுமக்களுக்கு எவ்வாறு பயனளிக்கும் என்பது பற்றிய விரிவான விளக்கங்கள் அவரது உரையில் இடம்பெறலாம். இந்த புதிய நடைமுறைகள் நாட்டின் பொருளாதார வளர்ச்சிக்கு எவ்வாறு உதவும் என்பதையும் அவர் எடுத்துரைப்பார் என எதிர்பார்க்கப்படுகிறது.