காங்கிரஸ் தலைவர் மல்லிகார்ஜுன கார்கே மருத்துவமனையில் அனுமதி! உடனே போன் செய்த பிரதமர் மோடி | இந்தியா

மாநிலங்களவை எதிர்க்கட்சித் தலைவரான மல்லிகார்ஜுன கார்கே, திடீர் உடல்நலக் குறைவு காரணமாக, கர்நாடக மாநிலம் பெங்களூருவில் உள்ள மருத்துவமனையில் அனுமதிக்கப்பட்டார். அவரை பரிசோதனை செய்த மருத்துவர்கள், அவருக்கு இதயத்தில் லேசான பாதிப்பு இருப்பதாகத் தெரிவித்ததாகக் கூறப்படுகிறது.

அதனை சரிசெய்ய கார்கேவுக்கு ‘பேஸ் மேக்கர்’ கருவி பொருத்தவும் அறிவுறுத்தப்பட்டது. அதனைத் தொடர்ந்து பேஸ்மேக்கர் பொருத்தும் பணி வெற்றிகரமாக நடந்து முடிந்துள்ளதாக அவரது மகனும், கர்நாடக அமைச்சருமான பிரியங்க் கார்கே கூறியுள்ளார். மேலும் தந்தை உடல்நிலை சீராக உள்ளதாகத் தெரிவித்துள்ளார்.

நாளை முதல் தனது வழக்கமான பணிகளுக்கு கார்கே திரும்பக்கூடும் என எதிர்பார்ப்பதாகவும் அவர் தெரிவித்தார். தனது தந்தையின் நலனில் அக்கறை கொண்டு விசாரித்த அனைவருக்கும் நன்றி தெரிவிப்பதாகவும் பிரியங்க் கார்கே தனது எக்ஸ் தள பக்கத்தில் பதிவிட்டுள்ளார்.