நாளை (ஞாயிற்றுக்கிழமை) நடைபெறவிருந்த முதுகலை மருத்துவ படிப்புக்கான நீட் நுழைவுத் தேர்வு தள்ளிவைக்கப்பட்டுள்ளனது. பின்னர் தேதி அறிவிக்கப்படும் என சுகாதார அமைச்சகம் தெரிவித்துள்ளது.
நீட்-பிஜி மற்றும் பல்கலைக்கழக நுழைவுத் தேர்வான யுஜிசி நெட் தேர்வுகளில் நடைபெறும் முறைகேடுகள் தொடர்பாக மத்திய அரசு விமர்சனங்களை எதிர்கொண்டுவரும் நிலையில் இந்த தேர்வு ஒத்திவைப்பு அறிவிப்பு வெளியாகியுள்ளது.
மருத்துவ மாணவர்களுக்கான தேர்வு வாரியத்தின் நடைமுறைகள் குறித்து முழுமையான ஆய்வு மதிப்பீடு செய்யப்படும் என்றும் முன்னேற்பாடாக ஜூன் 23 (ஞாயிற்றுக்கிழமை) நடைபெறவிருந்த நீட்-பிஜி தேர்வுகள் தள்ளிவைக்கப்படுவதாகவும் இதனால் மாணவர்களுக்கு ஏற்பட்ட சிரமத்துக்கு வருந்துவதாகவும் அமைச்சகம் தெரிவித்துள்ளது.
தேர்வின் நேர்மையை உறுதி செய்யும் பொருட்டு மாணவர்களின் நலன் கருதி இந்த முடிவு எடுக்கப்பட்டுள்ளதாக அரசு தெரிவித்துள்ளது.
மேலும், சற்று முன்னர் நீட் தேர்வு முறைகேடு எதிரொலியாக தேசிய தேர்வு முகமையின் தலைவரை மாற்றம் செய்து மத்திய அரசு உத்தரவிட்டது குறிப்பிடத்தக்கது.
