மீண்டும் ஆட்சிக்கு வந்தால் இடஒதுக்கீட்டு முறையை பிரதமர் மோடி ஒழித்து விடுவார் என தெலங்கானா பரப்புரையில் ராகுல் காந்தி விமர்சித்துள்ளார்.
தெலங்கானா மாநிலம் அடிலாபாத் நகரில் நடந்த பரப்புரைக் கூட்டத்தில் ராகுல் காந்தி பங்கேற்றார். அப்போது பேசிய அவர், கர்நாடகா மற்றும் தெலங்கானா மாநிலங்களில் அமல்படுத்தப்பட்டுள்ள மகளிர் உதவித்தொகை, மகளிருக்கு இலவச பேருந்து உள்ளிட்ட திட்டங்கள் நாடு முழுவதும் விரிவுபடுத்தப்படும் என தெரிவித்தார்.
நாட்டில் வேலைவாய்ப்பின்மை தலைவிரித்தாடுவதாக சாடிய ராகுல் காந்தி, காங்கிரஸ் ஆட்சிக்கு வந்தால், மத்திய அரசுப் பணிகளில் ஒப்பந்த முறையை ஒழித்துவிட்டு, நிரந்தர பணி வழங்குவோம் என்றார்.
இதையும் படிக்க:
அடுத்தடுத்து சிக்கல்… பெண் கடத்தல் வழக்கில் ரேவண்ணா மனு மீது விசாரணை
தொடர்ந்து காங்கிரஸ் ஆட்சிக்கு வந்தால், 50 சதவீதம் என்ற இடஒதுக்கீட்டிற்கான உச்சவரம்பு நீக்கப்படும் என வாக்குறுதி அளித்தார்.
மேலும் பாஜக எப்போதுமே இடஒதுக்கீட்டிற்கு எதிராக இருந்ததாக விமர்சித்த ராகுல் காந்தி, பாஜக மீண்டும் ஆட்சிக்கு வந்தால் இடஒதுக்கீட்டை பிரதமர் மோடி ஒழித்துவிடுவார் எனவும் தெரிவித்தார்.
இதுவரையிலான இடஒதுக்கீடு போதும் எனவும், இதற்கு முடிவு கட்ட வேண்டும் எனவும், பாஜக மற்றும் ஆர் எஸ் எஸ் தலைவர்கள், பேசி வருவதாகவும் ராகுல் காந்தி குற்றம்சாட்டினார்.
உலகம் முதல் உள்ளூர் வரை இன்றைய முக்கிய செய்திகள் (Top Tamil News, Breaking News), அண்மைச் செய்திகள் (Latest Tamil News), அனைத்தையும் நியூஸ்18 தமிழ் (News18Tamil.com) இணையதளத்தில் உடனுக்குடன் அறியலாம். News 18 தமிழ் : வாட்ஸ் அப் சேனலை ஃபாலோ செய்யுங்கள்.
நியூஸ்18 தமிழ்நாடு தொலைக்காட்சியை, ARASU CABLE – 46, TCCL – 57, SCV – 28, VK Digital – 30, SUN DIRECT DTH: 71, TATA PLAY: 1562, D2H: 2977, AIRTEL: 782, DISH TV:2977 ஆகிய அலைவரிசைகளில் காணலாம்…
