இத்திருவிழாவினையொட்டி, ஒவ்வொரு நாளும் உத்ஸவர் ராஜகோபாலசுவாமி, கண்ணன், கிருஷ்ணர், ராஜ பட்டாபிராமர், வேணு கோபாலர், மாயவநாதன், வைகுண்டநாதன் உள்ளிட்ட சிறப்பு அலங்காரத்தில் கோயிலைச் சுற்றியுள்ள நான்கு வெளிப் பிராகாரங்களின் வழியாக வந்து, பக்தர்களுக்கு அருள்பாலிப்பார். அப்போது சுவாமிக்கு சிறப்புப் பூஜைகள் நடைபெறும். இதில் முக்கிய நிகழ்வுகளாக, மார்ச்.23 கண்ட பேரண்ட பக்ஷி, மார்ச் 27ல் தங்க சூர்யபிரபை, ஏப். 1 கோரதம், ஏப்.2. காலை வெண்ணெய்த்தாழி, இரவு வெட்டுங்குதிரை, 3ஆம் தேதி திருத்தேரோட்டமும் நடைபெறுகிறது.
இதனைத் தொடர்ந்து,12 நாள்கள் நடைபெறும் விடையாற்றி விழா, மார்ச் 4ஆம் தேதி தொடங்கி, 15ஆம் தேதி கிருஷ்ண தீர்த்த தெப்ப உத்ஸவத்துடன் நிறைவு பெறுகிறது. விழா ஏற்பாடுகளை, அறங்காவலர் குழுத் தலைவர் சி. இளவரசன், அறங்காவலர்கள் கே.கே.பி. மனோகரன், வெ. லதா, துரை நடராஜன், நிர்வாக அலுவலர் எஸ்.மாதவன், மண்டகப்படிதாரர்கள், விழாக்குழுவினர் செய்து வருகின்றனர்.
