பேஜர், வாக்கி டாக்கி, சோலார் தகடுகள் என அடுத்தடுத்து வெடிப்புகள் நிகழ்வதன் காரணமாக, லெபனானின் மருத்துவமனைகள் நிரம்பி வழிகின்றது. மேலும் எதாவது வெடிப்புகள் நடக்கலாம் என மருத்துவமனை ஊழியர்கள் யாரும் வயர்லெஸ் சாதனங்கள் பயன்படுத்த வேண்டாம் என்று அறிவுறுத்தப்பட்டுள்ளது. மருத்துவமனையில் அவசர கால நிலை அமல்படுத்தி விடுப்பில் இருந்த மருத்துவர்கள் மற்றும் செவிலியர்கள் பணிக்கு வரவழைக்கப்பட்டிருக்கின்றனர்.
இதுவரை எந்த பதிலும் இல்லை…
இந்த வெடிப்புகளுக்கு காரணம் இஸ்ரேல் தான் என ஹிஸ்புல்லா அமைப்பு குற்றம்சாட்டி வருகிறது. மேலும் ஐ.நாவும், பல நாடுகளும் இந்த தாக்குதல்களுக்கு கண்டனம் தெரிவித்து வருகின்றன. ஆனால் இஸ்ரேல் இன்னமும் இந்த சம்பவம் குறித்து எதுவும் பேசவில்லை. தாங்கள் தான் இந்தத் தாக்குதலுக்கு காரணம் என்றும் கூறவில்லை.
இப்போது வெடித்துள்ள பேஜர்கள், வாக்கி டாக்கி, சோலார் தகடுகள் அனைத்தும் வாங்கும்போதே, அதில் இஸ்ரேலால் வெடிப்பொருட்கள் நிரப்பப்பட்டிருக்கலாம் என்று கூறப்படுகிறது.
இந்த நிலையில், ஹிஸ்புல்லா அமைப்பு பேஜர்கள் வாங்கிய தைவான் நிறுவனம் தங்களுக்கும், பேஜர் வெடிப்புக்கும் எந்தவித சம்மந்தமும் இல்லை என்று கூறியுள்ளது.
இந்த வெடிப்புகள் இன்னமும் பிரச்னையையும், தாக்குதல்களையும் அதிகப்படுத்துமே தவிர, வேறு எதுவும் நடக்காது. இன்னும் சில நாள்களில் இஸ்ரேல்-பாலஸ்தீன போர் ஓராண்டை முடிவு செய்யவிருக்கும் நிலையில், இந்த சம்பவம் நடந்திருக்கிறது.
இதே மாதிரியான சம்பவங்கள் தொடர்ந்து கொண்டிருந்தால், பொதுமக்கள் பாதிக்கப்படுவதோடு மட்டுமல்லாது, உலக நாடுகளிலும் சில பொருளாதார மாற்றங்கள் ஏற்படலாம். இன்னும் என்ன நடக்கப்போகிறது என்பது பொறுத்திருந்து தான் பார்க்க வேண்டும்!
