மகா கும்பமேளா விவகாரம் – ஆவேசமான மக்களவை சபாநாயகர் ஓம் பிர்லா.. வெளிநடப்பு செய்த எதிர்கட்சிகள்

மக்களவையில் 2025 – 26 ஆம் ஆண்டுக்கான நிதிநிலை அறிக்கை நேற்று முன் தினம் தாக்கல் செய்யப்பட்டது. தொடர்ந்து பட்ஜெட் கூட்டத் தொடரின் இரண்டாம் நாளில் கேள்வி நேரத்தின் போது எதிர்க்கட்சிகள் மகா கும்பமேளாவில் கூட்ட நெரிசலில் சிக்கி பக்தர்கள் உயிரிழந்தது குறித்து விவாதிக்கக் கோரி எதிர்க்கட்சியினர் அமளியில் ஈடுபட்டனர்.

இதற்கு கண்டனம் தெரிவித்த சபாநாயகர் ஓம் பிர்லா, அவையில் முழக்கம் எழுப்புவதற்கு தான் மக்கள் உங்களைத் தேர்ந்தெடுத்து அனுப்பி வைத்தார்களா? என்று ஆவேசமாக கேள்வியெழுப்பினார். கேள்வி நேரத்தைத் தொடர்ந்து குடியரசுத் தலைவர் உரைக்கு நன்றி தெரிவிக்கும் தீர்மானத்தின் மீது விவாதம் தொடங்கி நடைபெற்றது.

மாநிலங்களவையிலும் எதிர்க்கட்சி உறுப்பினர்கள் மகா கும்பமேளா கூட்ட நெரிசல் விவகாரத்தை எழுப்பி அமளியில் ஈடுபட்டனர். தொடர்ந்து காங்கிரஸ், திமுக, சமாஜ்வாதி உள்ளிட்ட கட்சி எம்பிக்கள் வெளிநடப்பு செய்தனர்.