ஏர்போர்ட்டில் சாக்லேட்டிற்குள் மறைத்து பாம்புகளை கடத்த முயற்சி.. பறிமுதல் செய்து அதிகாரிகள் நடவடிக்கை

வெளிநாட்டிலிருந்து பல்வேறு பொருட்களை சட்டவிரோதமாக சிலர் விமான நிலையங்கள் வழியாக இந்தியாவுக்குள் கொண்டுவர முயற்சி செய்கின்றனர். ஆனால் சுங்கத்துறை மற்றும் விமான நிலைய அதிகாரிகளின் துல்லியமான நடவடிக்கைகளால் இந்த சட்டவிரோத கடத்தல் முயற்சிகள் தடுக்கப்படுகின்றன.

அந்த வகையில் கடந்த 27ஆம் தேதி மும்பை விமான நிலையத்தில் ஒரு சம்பவம் நடந்தது. அங்கு தாய்லாந்தில் இருந்து பாம்புகள் மற்றும் அரிய வகை உயிரினங்களை கடத்தி வர முயன்ற ஒருவரை விமான நிலைய அதிகாரிகள் கைது செய்து அவரிடமிருந்து அந்த உயிரினங்களை பறிமுதல் செய்துள்ளார்கள். விமான நிலையத்தில் கைதான லியோ குட் மேன் என்பவருடைய நடத்தையில் சந்தேகம் அடைந்த அதிகாரிகள் அவரை பிடித்து தீவிரமாக சோதனையிட்டனர்.

விமான நிலைய அதிகாரிகள் ஸ்கேன் செய்ததில், 5 அல்பினோ ஹோண்டுரான் பால் பாம்புகள், 2 கார்டர் பாம்புகள், 2 கென்ய மணல் போவாக்கள், ஒரு கடலோர பட்டை கொண்ட கலிபோர்னியா கிங் கோப்ரா, 5 காண்டாமிருக எலி பாம்புகள் மற்றும் ஒரு அல்பினோ எலி பாம்பு ஆகியவை கண்டுபிடிக்கப்பட்டன.

இந்த மாதத்தில் இதுபோன்ற மூன்றாவது பறிமுதல் இதுவாகும். இந்த மாத தொடக்கத்தில், மும்பை சத்ரபதி சிவாஜி மகாராஜ் சர்வதேச விமான நிலையத்தில் (CSMIA) சுங்க அதிகாரிகள் 52 உயிருள்ள ஊர்வனவற்றை கடத்த முயன்ற ஒரு பயணியைப் பிடித்தனர்.

இந்த பயணி தாய் ஏர்வேஸ் விமானம் TG317 இல் பாங்காக்கிலிருந்து வந்தார். சந்தேகப்படும் படியான நடத்தை காரணமாக அவர் அதிகாரிகளால் கைது செய்யப்பட்டார். அவரது உடைமைகளை ஸ்கேன் செய்தபோது, ​​52 உயிருள்ள ஊர்வன பறிமுதல் செய்யப்பட்டன.