இஸ்கான் கோவில் தான் பசுக்களை கசாப்புக் கடைகளுக்கு விற்கிறது என்று பிஜெபி MP மேனகா காந்தி கடந்த செவ்வாய்கிழமை (செப்டம்பர் 27) கூறினார். இஸ்கான் மேனகா காந்தியின் குற்றச்சாட்டுகளை மறுத்தது. இப்படியாக கடந்த வாரம் முடிவுபெற்றது.
விலங்குகளுக்கான மக்கள் அமைப்பு ( PEOPLE FOR ANIMALS – PFA )என்னும் அரசு சாரா ( NGO )விலங்குகள் பாதுகாப்பு அமைப்பை அவர் நடத்தி வருகிறார். தற்போது இவர் இன்னொரு சர்ச்சையை கிளப்பியுள்ளார்.
காங்கிரஸ் தலைவர் ராகுல் காந்தி, சமீபத்தில் தனது தாய் சோனியா காந்திக்கு ஒரு ஆச்சரியமான பரிசை வழங்கினார் — தனது குடும்பத்தின் “புதிய உறுப்பினர்” என்று ஜாக் ரசல் டெரியர் வகை நாய்க்குட்டி ‘நூரி’ என்று அந்த நாயை சமூக வலைதளங்களில் அறிமுகப்படுத்தினார். ராகுல் காந்தி தனது தாய் சோனியா காந்திக்கு செல்லப்பிராணிகளை பரிசாக வழங்கிய வீடியோ சமூக ஊடகங்கள் மற்றும் செய்தி இணையதளங்களில் வைரலான சில மணிநேரங்களுக்குப் பிறகு, கோவாவில் சட்டவிரோதமாக வளர்க்கும் ஒருவரிடம் இருந்து காங்கிரஸ் தலைவர் ராகுல் நாய்க்குட்டிகளை வாங்கியதாக PFA அதிகாரப்பூர்வ இன்ஸ்டாகிராம் பக்கம் குற்றம் சாட்டியுள்ளது. . PFA தனது பதிவில், “2018 முதல், நாய்களை வாங்குவது மற்றும் விற்பது சட்டவிரோதமானது. ராகுல் காந்தி சமீபத்தில் கோவாவில் சட்டவிரோதமாக வளர்க்கும் ஒருவரைச் சந்தித்து இரண்டு வெளிநாட்டு இன நாய்களை வாங்கினார்.” “அவர் தெரிந்தே சட்டத்தை மீறியது துரதிர்ஷ்டவசமானது என்று இன்ஸ்டாகிராமில் தனது பதிவில் பக்கம் PFA தெரிவித்துள்ளது.
ராகுல் காந்தி பகிர்ந்துள்ள வீடியோ
உலக விலங்குகள் தினத்தன்று தனது யூடியூப் சேனலில் பகிரப்பட்ட வீடியோவில், ராகுல் காந்தி கோவாவுக்கு தனிப்பட்ட முறையில் விஜயம் செய்வதையும், பின்னர் டெல்லிக்கு கொண்டு செல்லப்படும் நாய்க்குட்டியை சந்திப்பதையும் காணலாம்.
“எங்கள் குடும்பத்தின் புதிய மற்றும் அழகான உறுப்பினரான நூரியை நீங்கள் அனைவரும் சந்திக்க வேண்டும் என்று நான் விரும்புகிறேன். அவள் கோவாவிலிருந்து நேராக எங்கள் கைகளில் பறந்து வந்து எங்கள் வாழ்க்கையின் வெளிச்சமாகிவிட்டாள். நிபந்தனையற்ற அன்பு மற்றும் சமரசமற்ற விசுவாசம் — இந்த அழகான விலங்கு நமக்குக் கற்பிக்கக்கூடியது எவ்வளவோ இருக்கிறது!” அந்த வீடியோவை பகிர்ந்துள்ளார் ராகுல் காந்தி.
