நாடு முழுவதும் மக்களவைத் தேர்தல் பணிகள் முழுவீச்சில் நடைபெற்று வருகின்றன. அனைத்துக் கட்சியினரும் தீவிர பரப்புரையில் ஈடுபட்டு வருகின்றனர். இந்தப் பரப்புரையில் ஒவ்வொரு கட்சியும் மாறிமாறி எதிர்தரப்பு குறித்து குற்றஞ்சாட்டி வருகின்றன. இந்த நிலையில், “மக்களவைத் தேர்தலில் மீண்டும் பாஜக ஆட்சிக்கு வந்தால் தேர்தலே நடக்காது” என மத்திய நிதியமைச்சர் நிர்மலா சீதாராமனின் கணவரும் பொருளாதார நிபுணருமான பரகலா பிரபாகர், கருத்து தெரிவித்திருப்பது நாடு முழுவதும் பேசுபொருளாகி இருக்கிறது.
அவர் அளித்துள்ள பேட்டியில், ”வரும் மக்களவைத் தேர்தலில் மீண்டும் பாஜக ஆட்சிக்கு வந்தால் தேர்தலே நடைபெறாது. மேலும், பாஜக ஆட்சியில் அமர்ந்தால் இந்தியாவின் வரைபடம் மாறும். மணிப்பூர், லடாக் பிரச்சனைபோல நாடெங்கும் நடைபெறும். இந்தியா தேர்தலையே மறந்துவிட வேண்டியதுதான். ‘இனி பாகிஸ்தானுக்கு செல்லுங்கள்’ என்பது போன்ற வெறுப்புப் பேச்சுகளை மோடியே செங்கோட்டையில் இருந்து பேசுவார்.
பிரதமர் மோடி மீண்டும் ஆட்சிக்கு வந்தால், குக்கி மற்றும் மெய்டீஸ் இன மக்களுக்கு இடையிலான மோதல்களால் மணிப்பூரில் ஏற்பட்ட அமைதியின்மை இந்தியா முழுவதும் வழக்கமானதாக மாறிவிடும்” என அதில் தெரிவித்துள்ளார். மத்திய பாஜக அரசில் அங்கம் வகிக்கும் நிதியமைச்சர் நிர்மலா சீதாராமனின் கணவர், இப்படி பேசியிருப்பது அரசியல் வட்டாரத்தில் புயலை கிளப்பியுள்ளது.
பிஜேபி கட்சி மத்தியில் ஆட்சிக்கு வருகிறதா இல்லையா என்பது எனக்கு தெரியாது ஆனால் தமிழ்நாட்டில் கண்டிப்பாக வராது அதற்கு முக்கிய காரணம் வட மாநிலத்தைச் சார்ந்தவர்கள் எல்லாரையும் தமிழகத்தில் வேலை வாய்ப்பு என்று சொல்லி திணிக்கப்பட்டுள்ளனர் மேலும் உலக வங்கியில் அதிகபட்ச கடன் வாங்கப்பட்டுள்ளது பொருளாதார வீழ்ச்சி கடுமையாக உள்ளது டாலரின் மதிப்பும் மிகவும் உயர்ந்துள்ளது அதாவது இந்திய பணத்தின் மதிப்பு பாதாளத்திற்கு சென்று விட்டது இதன் பிறகும் பிஜேபி கட்சிக்கு வந்தால் இந்தியா ஒரு பிச்சைக்கார நாடாகிவிடும்