ஆனால், சமூக வலைதளங்களுக்கு தடையை நீக்கும்வரை போராட்டம் தொடரும் என இளைஞர்கள் கோஷமிட்டு வருகின்றனர். இது நாடுமுழுவதும் பெரும் பேசுபொருளாகி வருகிறது.
இது குறித்து அந்நாட்டின் பிரதமர் கே.பி.சர்மா, “நேபாளத்தில் வணிகம் செய்து, பணம் சம்பாதித்து, சட்டத்தை மதிக்காமல் இருப்பவர்களை ஏற்றுக்கொள்ள முடியாது. ஒரு சில தனிநபர்களின் வேலை இழப்பை விட நாட்டின் சுதந்திரம் பெரியது.
சட்டத்தை மீறுவது, அரசியலமைப்பை புறக்கணிப்பது, தேசிய கண்ணியம், சுதந்திரம் மற்றும் இறையாண்மையை அவமதிப்பது ஆகியவற்றை ஒருபோதும் ஏற்றுக்கொள்ள முடியாது. அதன் காரணமாகவே இந்தத் தடை விதிக்கப்பட்டிருக்கிறது. தொழில்நுட்ப வளர்ச்சியை சீர் கெடுக்க வேண்டும் என்ற நோக்கமல்ல இது” என்று பேசியிருக்கிறார்.
