வாக்காளர் பதிவு அதிகாரிகள் வீடு வீடாகச் சென்று பட்டியலை ஆய்வு செய்திருப்பார்கள். ஆனாலும் வீட்டு முகவரியை கவனிக்கவில்லை. ஏனென்றால், அதனால் சிலருக்கு பயன் ஏற்படும் என்றும் காங்கிரஸ் குறிப்பிட்டுள்ளது.
அதாவது, இது ஏதோ ஒரு தவறு அல்ல, வெளிப்படைத்தன்மை என்ற பெயரில் நடக்கும் மோசடி. வீட்டு எண்ணை நீக்கிவிட்டால், போலி வாக்காளர்களை மறைத்துவிடலாம், போலி வாக்காளர்களை உருவாக்கலாம் அவர்களது அடையாளங்களை மாயமாக்கவிடலாம் என்றும் காங்கிரஸ் குற்றம்சாட்டியிருக்கிறது.
ஒரு சிறிய கிராமத்தில் வாழும் 947 பேரை ஒரே முகவரியில் பதிவிட்டிருக்கிறார்கள் எனற்ல், ஒட்டுமொத்த பிகாரிலும், ஒட்டுமொத்த நாட்டிலும் வாக்காளர் பட்டியலில் நடந்திருக்கும் குளறுபடிகளை கற்பனை செய்துபாருங்கள். ஜனநயாகம் திருடப்பட்டுவிட்டதாக ராகுல் தொடர்ந்து குற்றம்சாட்டி வருகிறார். அதற்கு வாழும் உதாரணம்தான் நிடானி கிராமம் என்றும் கூறப்பட்டுள்ளது.
