ராகுலை போல் முட்டாள்தனமாக.. ட்விட்டரில் கேள்வி கேட்ட தமிழக காங்கிரஸ் நிர்வாகியால் கொதித்த குஷ்பு

Chennai oi-Nantha Kumar R
Updated: Sunday, June 18, 2023, 22:13 [IST]
சென்னை: மல்யுத்த வீராங்கனைகள் பிரச்சனை பற்றி பேசாமல் இருப்பது ஏன்? என ட்விட்டரில் இன்று தமிழக காங்கிரஸ் கட்சியின் துணை தலைவர் கேள்வி எழுப்பிய நிலையில் குஷ்பு கடும் கோபமடைந்தார். மேலும் ராகுல் காந்தியை போல் முட்டாள் தனமாக இருக்காமல் சட்டத்தை சரியாக புரிந்து கொள்ள வேண்டும் எனும் வகையில் அவர் பதில் அளித்தது பெரும் பரபரப்பை ஏற்படுத்தியது. நடிகையாக இருந்து அரசியலுக்குள் நுழைந்தவர் குஷ்பு. தற்போது பாஜக கட்சியில் செயல்பட்டு வருகிறார். மேலும் தேசிய மகளிர் ஆணையத்தின் உறுப்பினராகவும் செயல்பட்டு வருகிறார். இந்நிலையில் தான் குஷ்பு பற்றி திமுக பேச்சாளரான சிவாஜி கிருஷ்ணமூர்த்தி மேடையில் சர்ச்சைக்குரிய வகையில் பேசினார். இதுதொடர்பான வீடியோக்கள் வலைதளங்களில் பரவிய நிலையில் பலரும் கண்டனம் தெரிவித்தனர். குஷ்பு இன்று பத்திரிகையாளர்களை சந்தித்து கண்கலங்கினார். பெண்கள் பற்றி அவதூறாக பேச அவருக்கு யார் அதிகாரம் கொடுத்தது. அவர் மீது தேசிய மகளிர் ஆணையம் விசாரணை நடத்தும். அவர் மீது திமுக நடவடிக்கை எடுக்க வேண்டும் என தெரிவித்து இருந்தார். இதையடுத்து உடனடியாக திமுகவில் இருந்து சிவாஜி கிருஷ்ணமூர்த்தி நிரந்தரமாக நீக்கம் செய்யப்பட்டார். இவர் இதற்கு முன்பு ஆளுநர் ஆர்என் ரவி, பாஜகவில் செயல்பட்டு வரும் நடிகைகள் குறித்து சர்ச்சையாக பேசி சஸ்பெண்ட் ஆன நிலையில் தற்போது நீக்கம் செய்யப்பட்டார். அதோடு மட்டுமின்றி சிவாஜி கிருஷ்ணமூர்த்தி மீது போலீசார் வழக்குப்பதிவு செய்து அதிரடியாக கைது செய்தனர். இந்நிலையில் தான் மல்யுத்த வீராங்கனைகள் மீதான பாலியல் தொல்லை பிரச்சனை பற்றி குஷ்பு பேசாமல் உள்ளதாக காங்கிரஸ், திமுகவினர் விமர்சனம் செய்து வருகின்றனர். இந்திய மல்யுத்த சம்மேளன தலைவராக இருக்கும் பாஜக எம்பி பிரிஜ் பூஷண் சரண் சிங் மீது பாலியல் புகார் கூறி வீராங்கனைகள் டெல்லியில் போராடினர். இதையடுத்து அவர் மீது வழக்குப்பதிவு செய்யப்பட்டது. இன்னும் கைதாகாத நிலையில் தான் அதுபற்றி குஷ்புவிடம் வலைதளங்களில் திமுக, காங்கிரஸ் கட்சியினர் கேள்வி எழுப்பினர். இதுதொடர்பாக தமிழக காங்கிரஸ் கட்சியின் துணை தலைவராக இருக்கும் வாழப்பாடி ராம சுகந்தன் தனது ட்விட்டர் பக்கத்தில் கேள்விகள் எழுப்பி இருந்தார். மறைந்த மூத்த காங்கிரஸ் தலைவர் வாழப்பாடி ராமமூர்த்தியின் மகனான இவர் தனது ட்விட்டர் பக்கத்தில், ‛‛தன்னை கண்ணிய குறைவாக பேசியவர் மீது தேசிய பெண்கள் ஆணையத்தின் உறுப்பினர் குஷ்பு இன்று தன்னுடைய கோபத்தை சமூக வலைத்தளங்களில் கொட்டி தீர்த்தார். பெண் மல்யுத்த வீரர்கள் டெல்லியில் ஒரு மாத காலமாக போராடிய போது அவர்களுக்காக ஏன் அவர் குரல் கொடுக்கவில்லை ? குஷ்பு அவர்களை தர குறைவாக பேசிய நபரை திமுக தன் கட்சியிலிருந்து நீக்கி விட்டது. பெண் மல்யுத்த வீரர்களுக்கு குஷ்பு என்ன செய்யப் போகிறார்?” என கேள்வி எழுப்பி இருந்தார். மீண்டும் சர்ச்சையில் திமுக பேச்சாளர்.. பெண்களை இழிவுபடுத்துவதா? கண்கலங்கிய குஷ்பு.. ஆவேசமாக பேட்டி இந்த பதிவால் குஷ்பு கடும் கோபம் அடைந்தார். உடனடியாக ட்விட்டரில் நடிகை குஷ்பு அவரை கடுமையாக விமர்சனம் செய்து பதிவு வெளியிட்டார். இதுபற்றி குஷ்பு, ‛‛உங்களது அந்தஸ்தை விட கீழே இறங்கி வந்துள்ளீர்கள். காங்கிரஸ் கட்சி இதனை செய்யும். விதிகளை முதலில் சரியாக புரிந்து கொள்ளுங்கள். இல்லாவிட்டால் உங்கள் தலைவர் ராகுல் காந்தி போல் முட்டாள் தனமாக நடந்து கொள்ள வேண்டும் என்று அனைத்து காங்கிரஸ் கட்சியினரும் உறுதி மொழி எடுத்து உள்ளீர்களா? என்ற கேள்வி எழும். உங்களின் தடுமாற்றத்தில் இருந்து நீங்கள் மீண்டு கொள்ளுங்கள். சட்டங்களை படியுங்கள். பாதிக்கப்பட்ட பெண்ணின் பக்கம் நிற்பதை விட உங்களுக்கான தாய் மொழியில் நீங்கள் பேசியிருப்பது ஒன்றும் எனக்கு ஆச்சரியமாக இல்லை. நீங்கள் தாமதாக வந்து கேள்வி எழுப்பினாலும் கூட நான் அதனை எதிர்பார்த்தேன்” என கூறியுள்ளார். இதன்மூலம் பாதிக்கப்பட்ட பெண்ணுக்கு ஆதரவாக இருப்பதை விட வழக்கம்போல் விமர்சனத்தை கையில் எடுத்துள்ளதாக குஷ்பு, அவரை சாடியுள்ளார்.
நாள் முழுவதும் oneindia செய்திகளை உடனுக்குடன் பெற

Allow Notifications
You have already subscribed English summary
Why are you not speak about woman wrestler problem? Khushpu got very angry when the Deputy President of Tamil Nadu Congress Party questioned him on Twitter today. And his reply that he should understand the law properly and not be a fool like Rahul Gandhi caused a stir.

.