கடைகள் ஒதுக்கீடு செய்வதில் முறைகேடு, வியாபாரிகள் தலையீடு என எழுந்த குற்றச்சாட்டுகளால் உருவான பிரச்னைகள் காரணமாக, இந்த வளாகம் செயல்பாட்டில் இல்லாமல் மூடப்பட்டது. இந்தப் பகுதியில் இயங்கி வரும் விவசாய சங்ககளிலிருந்தும், சமூக அமைப்புகள் சார்பாகவும், பல்வேறு முறை மாவட்ட ஆட்சித் தலைவருக்கும், துறை அதிகாரிகளுக்கும் வளாகத்தை திறக்க கோரிக்கை மனுக்கள் அனுப்பப்பட்டுள்ளன.
அதன் பிறகு நடந்த தேர்தலில் கொடுக்கப்பட்ட வாக்குறுதிகளிலும் தேர்தல் அறிக்கைகளிலும், இந்த வளாகம் மீண்டும் திறக்கப்படும் என்று உறுதி கொடுத்தனர். ஆனால் இன்று வரை இந்த வளாகத்தை திறக்க எந்த முன்னெடுப்பும் எடுக்கப்படவில்லை. இந்த வளாகம் திறக்கப்படும் பட்சத்தில் மலர் விவசாயிகளுக்கு ஒதுக்கீடு செய்த பிறகு, இயற்கை விவசாயிகளுக்கும் ஓரிரு கடைகளில் அனுமதி வழங்கினால் இயற்கை விவசாயப் பொருள்களை சந்தைப்படுத்தவும் எங்களுக்கு வாய்ப்பாக இருக்கும்” என்றார்.
