நடிகைகளாக கவனம் பெற்ற கனிகா மற்றும் சாக்ஷி அகர்வால் ரியாலிட்டி நிகழ்ச்சித் தொகுப்பாளர்களாகப் பங்கேற்கவுள்ளனர்.
சின்ன திரை பிரபலங்கள் போட்டியாளர்களாகப் பங்குபெறும் நாங்க ரெடி நீங்க ரெடியா என்ற நிகழ்ச்சியில் இருவரும் நடுவர்களாக இருந்து போட்டியின் சுவாரசியத்தைக் கூட்டவுள்ளனர்.
சன் தொலைக்காட்சியில் ஒளிபரப்பாகவுள்ள இந்த நிகழ்ச்சியில் நடன இயக்குநர் ஸ்ரீதரும் மற்றொரு நடுவராகப் பங்கேற்கிறார்.
சின்ன திரை நடிகர்கள் தங்கள் திறமைகளை வெளிப்படுத்தும் வகையில் நடனம், பாடல், மேடை நாடகம் என பல்வேறு பிரிவுகளில் நாங்க ரெடி நீங்க ரெடியா நிகழ்ச்சி நடத்தப்பட்டு வருகிறது.
தொடர்களில் வெறும் கதாபாத்திரங்களாக மட்டுமே பார்த்தவர்களை இந்த நிகழ்ச்சியில், பல்வேறு கோணங்களில் ரசிகர்கள் பார்ப்பதால் நிகழ்ச்சியின் மீதான எதிர்பார்ப்பு அதிகரித்துள்ளது.
