Iltija Mufti : பாரம்பர்ய தொகுதியில் படுதோல்வி!
இந்தப் பேச்சகள் எல்லாம் அவர் மீதான கவனத்தைத் திருப்பியது. தொடர்ந்து 2023-ல் மக்கள் ஜனநாயகக் கட்சியின் அதிகாரபூர்வ ஊடக ஆலோசகராக மெஹ்பூபா, இல்திஜாவை நியமித்திருந்தார். தற்போது சட்டமன்றத் தேர்தலில் மக்கள் ஜனநாயகக் கட்சி சார்பாக இல்திஜா முஃப்தி களமிறங்கினார். அவர் போட்டியிட்ட பிஜ்பெஹாரா தொகுதி என்பது இல்திஜா குடும்பத்தினருக்கு விருப்பமான பாரம்பர்ய தொகுதியாகும். கடந்த முறை மெஹ்பூபா முஃப்தி இங்கு வென்றிருந்தார்.
அவரது தாத்தாவும் பலமுறை இந்தத் தொகுதியில் நின்று வெற்றி பெற்றிருக்கிறார். “என்னுடைய அடையாளத்திற்காகவும், எனது ஆளுமைக்காகவும் நான் யார் என்பதை மக்கள் தெரிந்து கொள்ள வேண்டும் என்று நான் விரும்புகிறேன். மெகபூபா முஃப்தியின் மகள் என்றோ… முஃப்தி முகமது சயீத்தின் பேத்தி என்றோ நான் அறியப்பட விரும்பவில்லை” என்று பரப்புரையில் பேசியிருந்தார். இவரின் இந்த துணிச்சல் அரசியலில் அவரை அடுத்த கட்டத்திற்கு நகர்த்திச் செல்லும் என கணித்திருந்தனர். ஆனால், தான் போட்டியிட்ட முதல் தேர்தலிலேயே தன்னுடைய குடும்பத்தின் பாரம்பர்ய தொகுதியிலேயே அவர் தோற்றிருப்பது, அந்தக் கட்சியின் தொண்டர்களை அதிர்ச்சியடைய வைத்திருக்கிறது.
