விண்வெளியில் தாவரங்களை வளர்த்து சாதனை… புகைப்படத்தை வெளியிட்ட இஸ்ரோ..!

ராக்கெட்டில் இருந்து இரண்டு செயற்கைக்கோள்களும் வெற்றிகரமாக பிரிந்தன. அவை பூமியை சுற்றிவரும் நிலையில், இரண்டுக்குமான தொலைவு தற்போது இரண்டு கிலோ மீட்டராகக் கணக்கிடப்பட்டுள்ளது. அந்த இரண்டு விண்கலன்களையும் ஒருங்கிணைக்கும் பணி ஜனவரி 7ஆம் தேதி நடைபெற உள்ளது.

விண்வெளியில் தாவரம் வளர்ப்பது குறித்து ஆய்வு மேற்கொண்டுள்ள இஸ்ரோ, செயற்கைக்கோள்களுடன் சேர்த்து காராமணி விதைகளையும் விண்ணுக்கு அனுப்பியது. விண்ணுக்கு அனுப்பப்பட்ட காராமணி விதைகள் நான்கு நாட்களில் முளைத்ததாக இஸ்ரோ தெரிவித்துள்ளது. இது தொடர்பான புகைப்படத்தை வெளியிட்டுள்ள இஸ்ரோ, விரைவில் இலை வரும் என எதிர்பார்ப்பதாக தெரிவித்துள்ளது.

🇮🇳 #RRM_TD, India’s first space robotic arm, is in action onboard #POEM4! A proud #MakeInIndia milestone in space robotics. 🚀✨ #ISRO #SpaceTech pic.twitter.com/sy3BxrtRN1

— ISRO (@isro) January 4, 2025

இந்த டாக்கிங் செயற்கைக்கோள்களுக்கு அடுத்தபடியாக அனுப்பப்பட்ட 24 உப செயற்கைக்கோள்களும் 355 கிலோமீட்டர் உயரத்தில் நிலைநிறுத்தப்பட்டன. அதில் ஒன்றுதான் உள்நாட்டில் தயாரிக்கப்பட்ட RRM-TD எனப்படும் ரோபோட்டிக் கரங்கள். இந்த ரோபோ முதல் கட்டமாக கரங்களைக் கொண்டு பொருட்களை கட்டுப்படுத்தும் வகையில் வடிவமைக்கப்பட்டது.

இதையும் படிக்க: இந்தியாவின் பணக்கார முதல்வர் யார் தெரியுமா? ஸ்டாலினுக்கு எந்த இடம்?

இந்நிலையில் ரோபோட்டிக் கரங்கள் தனது செயல்பாட்டை சிறப்புற தொடங்கியுள்ள நிகழ்வை காணொளியாக இஸ்ரோ வெளியிட்டுள்ளது.