காஸா போர் நிறுத்த உடன்படிக்கை மற்றும் பிணைக்கைதிகள் விடுதலை குறித்து ஹமாஸுடன் பேச்சுவார்த்தை நடத்த இஸ்ரேல் சார்பில் தூதுக்குழு அனுப்ப இஸ்ரேலிய பிரதமர் பெஞ்சமின் நெதன்யாகு வியாழக்கிழமை ஒப்புதல் அளித்துள்ளார்.
அமெரிக்கா தலைமையில் மத்தியஸ்தம் மேற்கொள்ளும் நாடுகள், ஹமாஸின் போர் நிறுத்த ஒப்பந்தத்துக்கான பதிலை இஸ்ரேலுக்கு அளித்ததையடுத்து இந்த முடிவு எட்டப்பட்டுள்ளது. எகிப்து அல்லது கத்தாரில் பேச்சுவார்த்தை நடைபெறும் எனத் தெரிகிறது.
ஆரம்பகட்ட ஆலோசனைக்கு பிறகு பிரதமர் தூதுக்குழு அனுப்ப ஒத்துக்கொண்டதாக அதிகாரிகள் – பெயர் வெளியிடாதவாறு கேட்டுக்கொண்டு – தெரிவித்துள்ளதாக ஸின்ஹுவா செய்தி நிறுவனம் குறிப்பிடுகிறது.
இஸ்ரேலின் இலக்குகள் எட்டப்பட்ட பிறகே போர் நிறுத்தம் நடக்கும் என இஸ்ரேல் தொடர்ந்து தெரிவித்துவருகிறது.
போர் நிறுத்தம் குறித்த பேச்சுவார்த்தை தொடங்கியதுமுதல் ஹமாஸின் தரப்பில் சாதகமான பதில் பெறப்பட்டதாக இஸ்ரேலிய அதிகாரிகள் பேசியுள்ளனர்.
