“இஸ்ரேலின் மொசாட் உளவுத்துறையின் முகவர் ஒருவர் ஈரானின் தென்கிழக்கு சிஸ்தான்-பலுசெஸ்தான் மாகாணத்தில் டிசம்பர் 16 அன்று தூக்கிலிடப்பட்டார்” என்று அதிகாரப்பூர்வ IRNA செய்தி நிறுவனம் தெரிவித்துள்ளது.
“இந்த நபர் வெளிநாட்டு சேவைகளுடன் தொடர்பு கொண்டிருந்தார், குறிப்பாக மொசாட் உடன் இணைந்து இரகசிய தகவல்களை சேகரித்துள்ளார். மேலும் கூட்டாளிகளுடன் பங்கேற்று மொசாட் உட்பட வெளிநாட்டு உளவு நிறுவனங்களுக்கு ஆவணங்களை வழங்கினார்” என்று ஈரான் கூறியது. அது அந்த நபரின் பெயரை குறிப்பிடவில்லை.
“இஸ்லாமிய குடியரசை எதிர்க்கும் குழுக்கள் மற்றும் அமைப்புகளுக்கான பிரச்சாரம்” என்ற நோக்கத்துடன் “மொசாட் அதிகாரி” ஒருவரிடம் குற்றம் சாட்டப்பட்டவர்கள் ரகசிய தகவல்களை ஒப்படைத்ததாக அது கூறியது. கூறப்படும் கையளிப்பு எங்கு நடந்தது என்று கூறவில்லை. நபர் எப்போது கைது செய்யப்பட்டார் என்பது தெளிவாகத் தெரியவில்லை, ஆனால் மேல்முறையீடு நிராகரிக்கப்பட்டதாக IRNA தெரிவித்துள்ளது.
சிஸ்டன்-பாலுசெஸ்தானில் உள்ள சஹேதான் சிறையில் மரணதண்டனை நிறைவேற்றப்பட்டது.
ஆப்கானிஸ்தான் மற்றும் பாகிஸ்தானின் எல்லையை ஒட்டிய வறிய சிஸ்தான்-பாலுசெஸ்தான் மாகாணம் நீண்ட காலமாக பாதுகாப்புப் படையினருக்கும் சன்னி போராளிகளுக்கும் இடையே அடிக்கடி மோதல்கள் நடைபெற்று வருகிறது.
No comments