மறுமலர்ச்சி திராவிட முன்னேற்றக் கழகத்திலிருந்து நீக்கப்பட்ட அந்தக் கட்சியின் முன்னாள் துணைப் பொதுச்செயலாளர் மல்லை சத்யா, புதிய கட்சியைத் தொடங்கியுள்ளார்.
பேரறிஞர் அண்ணாதுரை பிறந்தநாளான இன்று (செப்டம்பர் 15) தனது கட்சியின் கொடியை அறிமுகம் செய்துள்ளவர், கட்சி பெயர் வரும் நவம்பர் 20-ம் தேதி அறிமுகம் செய்யப்படும் எனக் கூறியுள்ளார்.
புதிய கொடியில் வழக்கமான திராவிட கட்சிகளின் நிறங்கள் பயன்படுத்தப்பட்டுள்ளன. 25% கறுப்பு நிறமும் 75% சிகப்பு நிறமும் இடம்பெற்றுள்ளது. அத்துடன் 7 மஞ்சள் நிற நட்சத்திரங்கள் உள்ளன.
