`மனிதாபிமானமற்ற அணுகுமுறை…’ – அலஹாபாத் உயர் நீதிமன்றத் தீர்ப்பை நிறுத்திவைத்த உச்ச நீதிமன்றம் | Supreme Court Court Pauses “Grabbing Breasts Not Rape Attempt” Verdict

தீர்ப்பின் பின்னணி என்ன?

கடந்த மார்ச் 17ம் தேதி அலஹாபாத் உயர் நீதிமன்ற நீதிபதி ராம் மனோகர் நாராயண் மிஸ்ரா, கீழமை நீதிமன்றத்தால் பாலியல் வன்கொடுமை வழக்கு ஒன்றில் இந்திய தண்டனைச் சட்டத்தின் பிரிவு 376-ன் கீழ் (பாலியல் வன்கொடுமை தொடர்புடைய பிரிவு) சம்மன் அனுப்பப்பட்ட குற்றவாளிகள் (பவன் மற்றும் ஆகாஷ்) செய்த மேல்முறையீட்டு வழக்கை விசாரித்தார்.

அவர், “குற்றம் சாட்டப்பட்ட இருவர் மீதான குற்றச்சாட்டுகள் மற்றும் வழக்கின் உண்மைகளை பார்க்கும் போது, இது பாலியல் வன்கொடுமையோ, அல்லது அதன் முயற்சிக்கான குற்றமாக தெரியவில்லை. இரண்டு பேரும் பாலியல் வன்கொடுமை முயற்சியில் ஈடுபட்டனர் என்பதை நிரூபிக்கவேண்டியது அவசியம்.

மார்பகத்தை பிடிப்பதோ அல்லது பைஜாமாவின் கயிற்றை அவிழ்ப்பதோ பாலியல் வன்கொடுமை முயற்சியாக கருத முடியாது. அதனை பாலியல் அத்துமீறலாக/ தாக்குதலாக தான்கருத முடியும். குற்றம் சாட்டப்பட்டவர் பாலியல் வன்கொடுமை செய்வதில் உறுதியாக இருந்ததாக பதிவு செய்யப்பட்ட எந்த ஆதாரமும் உறுதிபடுத்தவில்லை.