இதுவரை வெளிவராத தகவல்… பயங்கரவாதி முகாம்கள் மீது இந்தியா தாக்கிய துல்லியமான நேரங்கள் வெளியாகின

அதை தொடர்ந்து 1.06 முதல் 1.10 மணிக்குள் பாகிஸ்தானின் முரித்கே (Muridke) நகரில் இருந்த லஷ்கர் இ தொய்பாவின் தலைமையகம் மற்றும் மிகப்பெரிய பயிற்சி மையத்தின் மீது தாக்குதல் நடத்தப்பட்டது. இந்த முகாமை முற்றிலும் அழிக்கும் விதமாக அடுத்தடுத்து ஏவுகணைகளை கொண்டு தாக்கியதாக இந்திய ராணுவம் குறிப்பிட்டுள்ளது. இதேபோல் பாகிஸ்தானின் பஞ்சாப் மாகாணத்திற்குட்பட்ட பஹவல்பூரில் உள்ள ஜெய்ஷ் இ முகமது அமைப்பின் தலைமையகம் மீது 1.12 மணிக்கு தாக்குதல் நடத்தப்பட்டது. இங்கு தான் தீவிரவாத செயல்களுக்கு திட்டம் தீட்டப்பட்டுள்ளது.

எல்லை தாண்டுவதற்கான பயிற்சிகள் அளிக்கப்பட்டு வந்த சியால்கோட் (Sialkot) முகாமில் 1.15 மணிக்கும், ஆயுதங்கள் சேமிப்பு மற்றும் பயிற்சிக்காக பயன்படுத்தப்பட்ட ஆக்கிரமிப்பு காஷ்மீரின் முஷாபராபாத் நகரில் 1.17 மணிக்கும் தாக்குதல் நடத்தப்பட்டுள்ளது.

தீவிரவாத இயக்கத்திற்கு ஆட்சேர்ப்பு மற்றும் பயிற்சித் தளமாக செயல்பட்டு வந்த ஆக்கிரமிப்பு காஷ்மீரின் பிம்பாரில் உள்ள முகாம் மீது 1.19 மணிக்கும், பாகிஸ்தானின் சக் அம்ருவில் 1.22 மணிக்கும், குல்பூர் 1.25 மணிக்கும் தீவிரவாதிகள் முகாம்கள் மீது தாக்குதல் நடத்தப்பட்டதாக ராணுவம் தெரிவித்துள்ளது.

பாகிஸ்தானின் முரித்கே (Muridke) நகரில் இருந்த லஷ்கர் இ தொய்பாவின் 2 ஆவது முகாம் மீது சரியாக அதிகாலை 1.28 மணிக்கு கடைசி தாக்குதலை நிகழ்த்தியதாகவும் குறிப்பிட்டுள்ளது. கடந்த 1971 ஆம் ஆண்டுக்குப் பிறகு முதல் முறையாக பாகிஸ்தானின் பஞ்சாப் மாகாணத்திற்குட்பட்ட பகுதியில் இந்திய ராணுவம் தாக்குதல் நடத்தியிருப்பது குறிப்பிடத்தக்கது.