தோண்ட, தோண்ட சிக்கும் எலும்பு கூடுகள்.. மரத்தில் கட்டப்பட்டிருந்த சேலைகள்.. விசாரணையில் அடுத்தடுத்த அதிர்ச்சி! | இந்தியா

அதைத்தொடர்ந்து தர்மஸ்தலாவில் நேத்ராவதி ஆற்றின் அருகே உள்ள வனப்பகுதியில் விசாரணைக் குழுவினர் திங்கட்கிழமையன்று ஆறாவது நாளாக சோதனை நடத்தினர். அப்போது, புகாரளித்த தூய்மை பணியாளர் அடையாளம் காட்டிய 11ஆவது இடத்திலிருந்து சுமார் 100 மீட்டர் தொலைவில், மேற்பரப்பிலேயே எலும்புக்கூடு பாகங்கள் கண்டெடுக்கப்பட்டன.

அதில் மண்டை ஓடு, உட்பட சுமார் 100 எலும்புகள் மீட்கப்பட்டன. மீட்கப்பட்ட எலும்புக்கூடு பாகங்கள் இரண்டு நபர்களுக்குச் சொந்தமானதாக இருக்கலாம் என சந்தேகிக்கப்படுகிறது. ஒரு நீண்ட முதுகுத்தண்டு எலும்பும் கண்டெடுக்கப்பட்ட நிலையில், அவற்றை ஆய்வுக்காக அனுப்பி வைத்தனர்.

மேலும், அங்குள்ள மரத்தில் கட்டப்பட்டிருந்த சேலையையும் அதிகாரிகள் மீட்டனர். தொடர்ந்து அந்தப் பகுதியில் பொக்லைன் இயந்திர உதவியுடன் குழிகள் தோண்டப்பட்டு ஆய்வு செய்யப்பட்டு வருகிறது.