ரஷ்ய தலைநகர் மாஸ்கோவில் கடந்த 2004-ம் ஆண்டு வால்டாய் விவாத மன்றம் தொடங்கப்பட்டது. இந்த மன்றத்தின் கூட்டம் ரஷ்யாவின் சோச்சி நகரில் நேற்று முன்தினம் நடைபெற்றது. இதில் ரஷ்ய அதிபர் விளாடிமிர் புதின் பங்கேற்று உரையாற்றினார். அப்போது, இந்தியாவின் முன்னேற்றத்தைப் பாராட்டி,“ரஷ்யாவுடன் கூட்டணியில் இல்லாத நாடுகளை ரஷ்யா எப்போது எதிரியாக நினைத்ததில்லை. ரஷ்யா சுதந்திரமாக செயல்படவே விரும்புகிறது. இந்த உலகுக்கு ரஷ்யாவின் பங்களிப்பு அவசியம். உலகை தங்கள் விருப்பப்படி மாற்ற விரும்பும் மேற்கத்திய நாடுகளால்தான் உக்ரைன், இராக், லிபியா உள்ளிட்ட அனைத்து போர்களும் நடந்துவருகிறது.
