முகமது சிராஜின் ஃபார்ம்
ஆஸ்திரேலியாவுக்கு எதிரான டெஸ்ட் தொடரில் மூத்த பந்துவீச்சாளர்களில் ஒருவரான முகமது ஷமி காயம் காரணமாக அணியில் இடம்பெறவில்லை. வேகப் பந்துவீச்சைப் பொருத்தவரையில், ஜஸ்பிரித் பும்ரா பிரதான பந்துவீச்சாளராக பிளேயிங் லெவனில் இடம்பெறுவார். ஆகாஷ் தீப் சிறப்பாக பந்துவீசி வருகிறார். ஆனால், முகமது சிராஜின் ஃபார்ம் இந்திய அணிக்கு கவலையளிப்பதாக உள்ளது.
டெஸ்ட் கிரிக்கெட்டில் அறிமுக போட்டியில் ஆஸ்திரேலியாவுக்கு எதிராக பந்துவீச்சில் சிறப்பாக செயல்பட்ட முகமது சிராஜ் 13 விக்கெட்டுகளை வீழ்த்தி கவனம் பெற்றார். ஆனால், அண்மையில் இந்தியாவில் நடந்து முடிந்த நியூசிலாந்துக்கு எதிரான டெஸ்ட் தொடரில் அவர் சிறப்பாக செயல்பட்டு விக்கெட்டுகளை வீழ்த்த தவறினார்.
கடைசியாக விளையாடிய 4 போட்டிகளில் 42.33 சராசரியுடன் சிராஜ் வெறும் 6 விக்கெட்டுகளை மட்டுமே வீழ்த்தியுள்ளார். ஆஸ்திரேலியாவுக்கு எதிரான தொடரில் மீண்டும் ஃபார்முக்குத் திரும்ப வேண்டிய நெருக்கடியில் சிராஜ் இருக்கிறார்.
பந்துவீச்சில் ஜஸ்பிரித் பும்ரா, ஆகாஷ் தீப் மற்றும் முகமது சிராஜை தவிர்த்து, டெஸ்ட் போட்டிகளில் அதிகம் விளையாடிய அனுபவம் இல்லாத வேகப் பந்துவீச்சாளர்களான பிரஷித் கிருஷ்ணா, ஹர்ஷித் ராணா மற்றும் நிதீஷ் ரெட்டி ஆகியோர் அணியில் இடம்பெற்றுள்ளனர். இவர்கள் மூவரில் பிரஷித் கிருஷ்ணா மட்டுமே இதற்கு முன்பு டெஸ்ட் போட்டிகளில் விளையாடியுள்ளார்.
