Last Updated:
பலன்பூரில் சாஹில் குமார், ஓலா ஸ்கூட்டர் கோளாறு காரணமாக ஷோரூம் முன் தீ வைத்து எரித்தார். வீடியோ வைரல், சேவை குறைபாடுகள் குறித்து வாடிக்கையாளர்கள் கவலை.
ஓலாவின் சேவையில் அதிருப்தி அடைந்த ஒரு வாடிக்கையாளர், ஷோரூம் முன் தனது ஸ்கூட்டரை தீ வைத்து எரித்த சம்பவம் பெரும் பரபரப்பை ஏற்படுத்தியுள்ளது. வாடிக்கையாளர் கூற்றுப்படி, சில நாட்களுக்கு முன்பு, ஸ்கூட்டரை ஓட்டும் போது, ஒரு பெரிய விபத்து ஏற்படக்கூடிய ஒரு பிரச்சனை ஏற்பட்டது. இது குறித்து வாடிக்கையாளர் நிறுவனத்திடம் பலமுறை புகார் அளித்தார். ஆனால் நிறுவனத்தின் அலட்சியத்தால் கோபமடைந்த அந்த நபர், ஸ்கூட்டரை தீ வைத்து எரித்தார். இதன் வீடியோ இணையத்தில் தற்போது வைரலாகி வருகிறது. இந்த சம்பவமானது குஜராத் மாநிலம் பலன்பூரில் நடந்தது.
பாலன்பூரில் வசிக்கும் சாஹில் குமார் என்ற நபர், சில நாட்களுக்கு முன்பு ஓலா எலக்ட்ரிக் ஸ்கூட்டரை வாங்கினார். சமீபத்தில், அவர் தனது மனைவி மற்றும் 5 வயது மகனுடன் ஷாப்பிங் செய்துவிட்டு வீடு திரும்பிக் கொண்டிருந்தபோது, ஸ்கூட்டரின் ஸ்டீயரிங் மற்றும் டயர் இணைப்பு கம்பி உடைந்தது. அதிர்ஷ்டவசமாக, சாஹில் ஸ்கூட்டரில் மெதுவாகச் சென்றதால் ஒரு பெரிய விபத்து தவிர்க்கப்பட்டது. ஆனால் இந்தத் தவறு எதிர்காலத்தில் ஒரு பெரிய விபத்துக்கு வழிவகுக்கும் என்பதை சாஹில் உணர்ந்தார்.
இந்த சம்பவத்தை அடுத்து, ஸ்கூட்டரின் கோளாறை சரிசெய்யுமாறு ஷோரூமுக்கு அவர் சென்றார். ஓலா ஷோரூம் அதிகாரிகளிடம் பலமுறை புகார் அளித்தும் திருப்திகரமான பதிலோ அல்லது தீர்வோ கிடைக்கவில்லை. இதனால் கோபமடைந்த அவர், ஷோரூம் முன் ஸ்கூட்டரின் மீது மண்ணெண்ணெய் ஊற்றி தீ வைத்து எரித்தார். தீ விபத்தில் வாகனம் முற்றிலுமாக எரிந்து நாசமானது. இந்த சம்பவத்தைத் தொடர்ந்து, சேவை தரம் மற்றும் தொழில்நுட்பக் கோளாறுகள் குறித்து ஓலா பயணிகளிடையே அதிகரித்து வரும் கவலைகள் மீண்டும் எழுந்துள்ளன.
குஜராத்தின் பலன்பூரில் நடந்த இந்த சம்பவத்தின் வீடியோ தற்போது சமூக ஊடகங்களில் வைரலாக பரவி வருகிறது. அந்த வீடியோவில், ஒரு இளைஞன் ஸ்கூட்டரில் மண்ணெண்ணெய் ஊற்றி தீ வைத்து எரிப்பதைக் காணலாம். சில நிமிடங்களில், வாகனம் முற்றிலுமாக தீப்பிடித்து எரிந்தது. வாகனம் தீப்பிடித்து எரிந்ததை காண ஷோரூமுக்கு வெளியே ஏராளமானோர் கூடியிருந்தனர்.
షోరూమ్ ముందే ఓలా వాహనానికి నిప్పంటించిన కస్టమర్
స్టీరింగ్ రాడ్ విరిగిపోయిందని చెప్పినా కంపెనీ సిబ్బంది పట్టించుకోలేదని ఆగ్రహంగుజరాత్–పాలన్పూర్ ప్రాంతంలో తన భార్య, కుమారుడితో కలిసి బయటికి వెళ్లి ఇంటికి తిరిగి వెళ్తుండగా తన ఓలా వాహనం స్టీరింగ్ రాడ్ విరిగిపోయిందని షోరూముకు… pic.twitter.com/JFyax4IzWd
— Telugu Scribe (@TeluguScribe) October 9, 2025
இந்த சம்பவத்தின் வீடியோ சமூக ஊடகங்களில் பரவலாகப் பகிரப்பட்டு வருகின்றன. ஓலா சேவை குறித்து வாடிக்கையாளர்கள் புகாரளிப்பது இது முதல் முறையல்ல. ஒரு மாதத்திற்குள், ஓலா ஸ்கூட்டர்களைப் பற்றிய புகார்களின் எண்ணிக்கை 80,000 ஐத் தாண்டியதாக வட்டாரங்கள் தெரிவிக்கின்றன. ஒவ்வொரு நாளும், 6,000-7,000 ஸ்கூட்டர்கள் பழுதுபார்ப்பதற்காக பல்வேறு சேவை மையங்களுக்கு வந்து கொண்டிருந்தன. இது பல வாடிக்கையாளர்களிடையே அதிருப்தியையும், நம்பிக்கையையும் இழக்கச் செய்துள்ளது.
October 11, 2025 7:02 PM IST
