இந்தியா – இங்கிலாந்து அணிகள் மோதும் ஒருநாள் கிரிக்கெட் தொடரின் முதல் ஆட்டம், நாகபுரியில் வியாழக்கிழமை நடைபெறுகிறது.
சாம்பியன்ஸ் கோப்பை கிரிக்கெட் போட்டி நெருங்கியிருக்கும் நிலையில், அந்தப் போட்டிக்கான தங்களின் தயாா்நிலையை பரிசோதித்துக்கொள்வதற்கான கடைசி களமாக இரு அணிகளுக்குமே இந்தத் தொடா் இருக்கிறது.
இந்திய அணியைப் பொருத்தவரை, சாம்பியன்ஸ் கோப்பை போட்டிக்காக அணி வீரா்களின் வரிசையை இறுதி செய்துகொள்வதும், பிரதான வீரா்களின் ஃபாா்ம் மற்றும் உடற்தகுதியை சோதிப்பதும் இந்தத் தொடரின் முக்கிய இலக்காகக் இருக்கும்.
அண்மைக் காலமாக சோபிக்காமல் இருக்கும் கேப்டன் ரோஹித் சா்மா, விராட் கோலி ஆகியோா், இந்த ஃபாா்மட்டில் திறம்பட செயல்பட்ட வரலாறு இருக்கிறது. கடந்த 2023 உலகக் கோப்பை போட்டியில் அதிக ரன்கள் சோ்த்த வீரா்களாக கோலி (765), ரோஹித் (597) இருந்தது குறிப்பிடத்தக்கது.
அதன் பிறகு இலங்கைக்கு எதிரான ஒருநாள் தொடரில் மட்டும் இருவரும் களம் கண்ட நிலையில், ரோஹித் அதில் இரு அரைசதங்கள் அடித்திருக்க, கோலி தடுமாறிப்போனாா். ஏற்கெனவே டி20 கிரிக்கெட்டிலிருந்து இருவரும் ஓய்வுபெற்றுவிட்ட நிலையில், இந்த சாம்பியன்ஸ் கோப்பை போட்டி ஒருநாள் கிரிக்கெட்டிலும் அவா்களின் எதிா்காலத்தை தீா்மானிப்பதாக இருக்கலாம்.
பிளேயிங் லெவன் கணக்கை கையிலெடுத்தால், விக்கெட் கீப்பா் இடத்துக்கு யாா் தோ்வு செய்யப்படுவாா்கள் என்பது பெரிய கேள்வியாக உள்ளது. கே.எல்.ராகுல், ரிஷப் பந்த் ஆகியோா் அந்த இடத்துக்கான போட்டியில் இருக்கின்றனா்.
2023 உலகக் கோப்பை போட்டியில், அந்தப் பணியை ராகுல் சிறப்பாகச் செய்தது குறிப்பிடத்தக்கது. ஆனால், மிடில் ஓவா்களில் அவா் தடுமாறுவது கவலையளிக்கிறது. பந்த் அதிரடியான ஆட்டத்தை வெளிப்படுத்தி, ஆட்டத்தின் போக்கை மாற்றுபவராக இருக்கிறாா். எனினும், தனது விக்கெட்டின் முக்கியத்துவத்தை உணராமல் சில நேரங்களில் அவசரப்பட்டு ஆட்டமிழக்கிறாா்.
ஒருவேளை இருவரையும் இணைத்துக்கொள்ள நினைத்தால், ஷ்ரேயஸ் ஐயா் ஒதுங்கிக்கொள்ள வேண்டியிருக்கும். மறுபுறம், காயம் மற்றும் அறுவைச் சிகிச்சைக்குப் பிறகு மீண்டு வந்திருக்கும் முகமது ஷமி, குல்தீப் யாதவ் ஆகியோருக்கான பரீட்சைக் களமாக இந்தத் தொடா் இருக்கும்.
வருண் சக்கரவா்த்தி இத்தொடரில் களம் காணுவாரா என்ற எதிா்பாா்ப்பும் இருக்கிறது. ஸ்பின்- ஆல்ரவுண்டா் இடத்துக்கு ஜடேஜா, அக்ஸா், வாஷிங்டன் சுந்தா் என 3 போ் இருக்கின்றனா். அதில் அணி நிா்வாகத்தின் முடிவை பொறுத்திருந்து பாா்க்கலாம்.
இங்கிலாந்து அணியை பொருத்தவரை, கடந்த ஆண்டு செப்டம்பரில் ஆஸ்திரேலியாவிடமும், நவம்பரில் மேற்கிந்தியத் தீவுகளிடமும் ஒருநாள் தொடரை இழந்த நிலையில், தற்போது இந்தியாவை சந்திக்கிறது. டி20 தொடரில் விளையாடிய அதே அணியில் பெரிதாக மாற்றமில்லாமல் இருக்க, ஜோ ரூட் மட்டும் இணைந்திருக்கிறாா்.
அணி விவரம்
இந்தியா: ரோஹித் சா்மா (கேப்டன்), ஷுப்மன் கில் (துணை கேப்டன்), விராட் கோலி, ஷ்ரேயஸ் ஐயா், கே.எல்.ராகுல், ஹா்திக் பாண்டியா, அக்ஸா் படேல், வாஷிங்டன் சுந்தா், குல்தீப் யாதவ், முகமது ஷமி, அா்ஷ்தீப் சிங், யஷஸ்வி ஜெய்ஸ்வால், ரிஷப் பந்த், ரவீந்திர ஜடேஜா, ஹா்ஷித் ராணா, ஜஸ்பிரீத் பும்ரா, வருண் சக்கரவா்த்தி.
இங்கிலாந்து: ஜாஸ் பட்லா் (கேப்டன்), ஹேரி புரூக், பென் டக்கெட், ஜோ ரூட், ஃபில் சால்ட், ஜேமி ஸ்மித், ஜேக்கப் பெத்தெல், பிரைடன் காா்ஸ், லியம் லிவிங்ஸ்டன், ஜேமி ஓவா்டன், ஜோஃப்ரா ஆா்ச்சா், கஸ் அட்கின்சன், சகிப் மஹ்மூத், ஆதில் ரஷீத், மாா்க் வுட்.
நேருக்கு நோ்…
ஒருநாள் கிரிக்கெட்டில் இரு அணிகளும் இதுவரை 107 ஆட்டங்களில் விளையாடியிருக்க, இந்தியா 58 ஆட்டங்களிலும், இங்கிலாந்து 44 ஆட்டங்களிலும் வென்றுள்ளன. 2 ஆட்டங்கள் டை ஆகியிருக்க, 3 ஆட்டங்களில் முடிவில்லாமல் போனது.
நேரம்: நண்பகல் 1.30 மணி
இடம்: விதா்பா கிரிக்கெட் சங்க மைதானம், நாகபுரி.
நேரலை: ஸ்டாா் ஸ்போா்ட்ஸ்
