Last Updated:
இமாச்சல் பிரதேசம் பிலாஸ்பூரில் நிலச்சரிவில் தனியார் பேருந்து சிக்கி 18 பேர் உயிரிழப்பு.
பிலாஸ்பூரில் ஏற்பட்ட நிலச்சரிவில் தனியார் பேருந்து சிக்கி இதுவரை 15 நபர்கள் பலியாகியிருப்பது பெரும் சோகத்தை ஏற்படுத்தியுள்ளது.
இமாச்சல் பிரதேசத்தில் கடந்த மாதம் முதல் அவ்வப்பொழுது ஆங்காங்கே நிலச்சரிவுகள் ஏற்பட்டு வருகின்றன. தொடர் கனமழையின் காரணமாக இந்த நிலச்சரிவுகள் ஏற்பட்டு வருகின்றன.
கடந்த ஜூலை மாதம் இமாச்சல்பிரதேசம், மண்டி மாவட்டத்தில் பெய்த கனமழையின் காரணமாக ஏற்பட்ட பயங்கர நிலச்சரிவில் ஏராளமான வீடுகளும், கடைகளும் அடித்து செல்லப்பட்டன. இதில், 11 மாத குழந்தை தனது தாய், தந்தை என மொத்த குடும்பத்தையும் இழந்து தனியாக இருந்தது. அந்தக் குழந்தை மீட்கப்பட்டு, பின்னர் அது இமாச்சல்பிரதேசத்தின் குழந்தையாக அரசு அறிவித்தது.
Bilaspur, Himachal Pradesh | At least 10 people killed and several others injured after a private bus was hit by a landslide in the Balurghat area of Jhandhuta subdivision in Himachal Pradesh’s Bilaspur district.
Excavation and rescue operations are continuing on a war footing.… pic.twitter.com/LYH5gHXOJE— ANI (@ANI) October 7, 2025
இந்தநிலையில், தற்போது கடந்த இரு தினங்களாக அவ்வப்பொழுது பெய்யும் கன மழையின் காரணமாக பிலாஸ்பூரில் நிலச்சரிவு ஏற்பட்டுள்ளது. நிலச்சரிவு ஏற்படும்போது, அந்தப் பகுதியில் சுமார் 30 முதல் 35 பயணிகளுடன் சென்றுக்கொண்டிருந்த தனியார் பேருந்து ஒன்று அந்த நிலச்சரிவில் சிக்கியுள்ளது.
இதில், பயணித்தவர்களில் நிலச்சரிவில் சிக்கி இதுவரை 18 நபர்கள் பலியாகியிருப்பது பெரும் சோகத்தை ஏற்படுத்தியுள்ளது. மேலும், நிலச்சரிவில் சிக்கியவர்களை மீட்கும் பணியில் மீட்பு படையினரும், உள்ளூர்வாசிகளும் தொடர்ந்து ஈடுபட்டு வருகின்றனர். இரவு நேரம் என்பதால் மீட்பு பணியில் சிக்கலும் ஏற்பட்டுள்ளது.
இந்தச் சம்பவம் குறித்து அறிந்ததும், பிரதமர் நரேந்திர மோடி, உயிரிழந்தவர்களுக்கு இரங்கல் தெரிவித்து ரூ. 2 லட்சம் நிவாரணம் அறிவித்துள்ளார். மேலும், காயமடைந்தவர்களுக்கு ரூ. 50 ஆயிரம் நிவாரணமும் அறிவித்துள்ளார்.
Himachal Pradesh
October 07, 2025 9:32 PM IST
