மகாராஷ்டிரா சட்டமன்றத் தேர்தலில் தமிழகத்தை சேர்ந்த அதிமுக மற்றும் திமுக கட்சிகளே போட்டியிட தயக்கம் காட்டிய நிலையில், விடுதலை சிறுத்தைகள் கட்சி மட்டும் இத்தேர்தலில் போட்டியிடப்போவதாக அறிவித்தது.
மகாராஷ்டிராவில் கடந்த மாதம் விடுதலை சிறுத்தைகள் கட்சியில் சில மராத்திய அமைப்புகள் சேர்ந்தன. இந்த நிகழ்ச்சியில் விடுதலை சிறுத்தைகள் கட்சியின் தலைவர் திருமாவளவன் நேரில் கலந்து கொண்டார். மராத்திய தலித் அமைப்புகள் விடுதலை சிறுத்தைகள் கட்சிகள் சார்பாக போட்டியிடவும் விருப்பம் தெரிவித்தன. இதையடுத்து மகாராஷ்டிரா சட்டமன்றத் தேர்தலில் விடுதலை சிறுத்தைகள் கட்சி 10 தொகுதியில் போட்டியிடும் என்று அக்கட்சி அறிவித்தது. அதை தொடர்ந்து சட்டமன்ற தேர்தலில் விடுதலை சிறுத்தைகள் கட்சி சார்பாக 6 தொகுதியில் வேட்புமனு தாக்கல் செய்யப்பட்டுள்ளது.
