சென்னை: தான் ஆட்சிக்கு வந்தால் என்னென்ன நடக்கும் என்பது பற்றி சுவாரசியமாக பேசி இருக்கிறார் நாம் தமிழர் கட்சி தலைமை ஒருங்கிணைப்பாளர் சீமான். மேலும், படிப்பு வரவில்லை என்று யாரும் கவலைப்பட வேண்டாம் எனக் கூறிய சீமான், போய் ஊர் ஊராக சுற்றுமாறும், அப்படி சுற்றினால் அரசு வேலையுடன் மாதம் ரூ.1 லட்சம் சம்பளத்தை தான் வழங்குவதாகவும் சீமான் தெரிவித்தார். இதை கேட்டு கூட்டத்தில் இருந்த இளைஞர்கள் உற்சாகத்தில் ஆர்ப்பரித்தனர்.
நாம் தமிழர் கட்சி பொதுக்கூட்டம் சில தினங்களுக்கு முன்பு நடைபெற்றது. இதில் தலைமை வகித்து பேசிய சீமான், நாம் தமிழர் தமிழ்நாட்டில் ஆட்சிக்கு வந்தால் என்னென்ன மாற்றங்கள் எல்லாம் நடக்கும் என்பதை பட்டியலிட்டார். அவர் பேசியதாவது: அரசியல்னா என்னவென்று நீ தெரிஞ்சுக்கணும். அறிவை வளர்க்கும் கல்வி தரமாக இருக்கணும். சுரண்டையில் இருப்பவனுக்கு ஒன்று. சென்னையில் இருப்பவனுக்கு ஒன்று என கல்வி இருக்கக் கூடாது. ஏழைக்கு என்று ஒரு கல்வி; பணக்காரனுக்கு என்று ஒரு கல்வி கிடையாது. நாம் தமிழர் ஆட்சிக்கு வந்தால் எல்லோருக்கும் சமமான, தரமான கல்வி இலவசம்.
நல்லா உடம்பை ஏத்துய்யா!
பள்ளியில் போடும் சாப்பாடு இப்போது இருக்குற மாதிரி இருக்காது. இப்போது என்ன போடுகிறார்கள். காலை சிற்றுண்டி 15 லட்சம் மாணவர்களுக்கு உப்புமா. அடேங்கப்பா. நான் வந்தால் சாப்பாடு எப்படி இருக்கும்னு தெரியும்ல. ஆள் ஆளுக்கு ரெண்டு நாட்டுக் கோழி முட்டை சாப்பிடுயா. ஆள் ஆளுக்கு ஒரு லிட்டர் பால் குடிய்யானு சொல்வேன். பள்ளிக்கூடத்துல பக்கத்துலேயே ஜிம் வைப்பேன். நல்லா விளையாடு. நல்லா ஓடு. நல்லா உடம்பை ஏத்துய்யா. ரெக்கைய தூக்குய்யா. நெஞ்சை நிமிர்ந்து நடய்யா. உன்னை பாக்கும் போதே இவன் தமிழன் என மத்தவன் சொல்லணும். அப்படி இருக்கணும்யா. உனக்கு என்னய்யா பிடிக்குது. ஓட பிடிக்குது. அப்படியா ஓடுய்யா. உனக்கு என்னய்யா பிடிக்குது. பாட பிடிக்குதுங்கய்யா. அப்படியா போய் பாடுய்யா.
படிக்க பிடிக்கலையா.. இங்க வா!
அய்யா எனக்கு படிக்கவே பிடிக்கலையா. அப்படியா இங்க வாயா.. வருத்தமே படாதய்யா. வேற என்னய்யா உனக்கு பிடிக்கும். ஊர் சுத்த பிடிக்குமாய்யா. போய்யா.. போய் ஊர் சுத்தி பாருய்யா. தென்காசிக்கு போய்யா.. குற்றாலத்துக்கு போய்யா.. ஊட்டி கொடைக்கானல் போய்யா. போய்ட்டு போட்டோ எடுத்து வெச்சுக்கய்யா. வெளிநாட்டில் இருந்து வரும் பயணிகளுக்கு ஒவ்வொன்றாக போய் காட்டுய்யா. நீ அரசாங்க டூரிஸ்ட் கைடுய்யா. உனக்கு மாசம் 1 லட்சம் ரூபாய் சம்பளம்யா. போய்யா மகிழச்சியா இருய்யா. அப்படிதான் நான் செய்வேன்.
கடவுள் யாரு தெரியுமா?
எல்லா பயலும் டாக்டர் ஆயிட்டா யாருடா நோயாளியாக இருப்பா. சரி.. எல்லா பயலும் டாக்டர் ஆயிரு. சோத்துக்கு என்ன பண்ணுவ? மாத்திரையை சாப்பிட்டு படுத்துக்குவியா டா. விவசாயி தான் டா சோறு போடுவான். கடவுள் யாரு தெரியுமா.. உழுது விதைச்சு அறுவடை செய்து உலகத்துக்கு சோறு போடுறான் பாரு உழவன்.. அவன்தான்டா உண்மையான கடவுள். இவ்வாறு சீமான் கூறினார்.
சீமானின் பேச்சு பொறுப்பேற்ற பேச்சு வருத்தப்பட வேண்டியது