வயநாடு: நான் ஒரு சாதாரண மனிதன், இந்தியாவில் உள்ள ஏழை மக்களே என் தெய்வம். நீங்கள் என்ன சொல்கிறீர்களோ அதைத்தான் நான் செய்வேன் என்று காங்கிரஸ் எம்.பி. ராகுல் கூறியுள்ளார்.
கேரள மாநிலம் வயநாடு சென்று, வாக்களித்த மக்களுக்கு நன்றி தெரிவிக்கும் பொதுக்கூட்டத்தில் ராகுல் காந்தி பங்கேற்றுப் பேசினார்.
அப்போது அவர் கூறுகையில், பிரதமர் நரேந்திர மோடிக்கு ஒரு விநோதமான பரமாத்மா இருக்கிறார். அவர், அதானி மற்றும் அம்பானிக்கு ஆதரவாக முடிவுகளை எடுக்குமாறு வழிநடத்துகிறார்.
ஆனால், நான் இயற்கையாக மனிதனாகப் பிறந்தவன். ஒரு சாதாரண மனிதன், இந்தியாவில் உள்ள ஏழை மக்களே என் தெய்வம், வயநாட்டில் உள்ள மக்களே என் தெய்வம், நீங்கள் என்ன சொல்கிறீர்களோ அதைத்தான் நான் செய்வேன்.
எங்களது கூட்டணிக்கு வாக்களித்த வாக்காளர்கள், கட்சித் தொண்டர்கள், தலைவர்கள் பக்கம்தான் என் இதயம் உள்ளது, ஜனநாயகத்தை முன்னேற்றுவதற்கான எங்களது கூட்டு முயற்சிகள் அனைத்தும் உங்களை மகிழ்ச்சியடைய வைக்கும் விதத்தில் அமைய வேண்டும் என்பதில் நான் உறுதியாக இருக்கிறேன் என்று ராகுல் காந்தி கூறியிருக்கிறார்.
இந்த பொய் எல்லாம் வேற எங்கேயாவது போய் சொல்லுங்க ராகுல்
சரி தம்பி டுபாக்கூர்