உலக கழிவறை தினமான நவம்பர் 19 அன்று, ஒவ்வோர் ஆண்டும் ஒவ்வொரு கருப்பொருள் கொண்டு கொண்டாடப்படுகிறது. இந்த வருடம் ‘கழிப்பறைகள் – அமைதிக்கான இடம்’ என்ற கருப்பொருளில் கொண்டாடப்படுகிறது. முதலில் ஜாக் சிம் என்பவரால், 2001-ம் ஆண்டு நவம்பர் 19-ம் தேதி உலக கழிப்பறை கழகம் (சிங்கப்பூர் சார்ந்த அரசுசாரா அமைப்பு ) தொடங்கப்பட்டது. அதன்பின், 2013-ம் வருடம் முதல் இதே தேதியை ஐ. நா. உலக கழிவறை தினமாக அறிவித்தது. கழிப்பறை சுகாதாரத்தின் முக்கியத்துவத்தையும், அது தொடர்பான விழிப்புணர்வையும் ஏற்படுத்துவதுதான் இந்த தினத்தின் முக்கிய நோக்கமாகும்.
இன்றளவும்கூட கிராமப்புற மக்கள் கழிவறை இல்லாமல் திறந்த வெளியில் மலம் கழிக்கின்றனர். அப்படித் திறந்த வெளியில் மலம் கழிப்பதால் நம் உடலுக்குப் பல தீங்குகள் வந்து சேரும். திறந்த வெளியில் மலம் கழிப்பதனால் வரும் பாதிப்புகள், கழிவறையின் முக்கியத்துவம் மற்றும் சுகாதாரம் பற்றிய விழிப்புணர்வை இந்த கழிவறை தினம் மக்களிடம் ஏற்படுத்துகிறது.
